Б.Дамдин-Очир

Хэд хоногийн өмнө МАН-ын дарга М.Энхболд БНХАУ-д айлчилжээ. Тэрээр айлчлалынхаа  хүрээнд Хятадын Ардын Улс төрийн зөвлөлдөх зөвлөгөөний үндэсний хорооны дэд дарга, Хятадын Коммунист Намын Төв хорооны Гадаад харилцааны газрын дарга Ван Жаруйтай уулзсан, сайхан ярилцсан, цаашдын хамтын ажиллагаагаа тодорхойлсон талаар Монголын хэвлэл мэдээллийн хэргслүүд болон МАН-ын мэдээллийн сайтаар цацагдав. 

Энэ хоёр эрхэм МАН болон Хятадын Коммунист Нам нь нас чацуу, Азийн хамгийн ууган улс төрийн хүчнүүдийн хувьд олон жил харилцаа, холбоотой ажилласаар ирсэн гэдгийг хоёр тал цохон тэмдэглээд цаашдын харилцаа, хамтын ажиллагааны талаар санал солилцсон гэж дээрх мэдээнүүдэд дурджээ.

Харин М.Энхболдын айлчлал нь юуны учир ийм өндөр дээд хэмжээнд болсныг тайлбарлах хүн гарахгүй байгаа аж. Уг нь Хятадууд Монголын төрийн эрхийг барьж буй эрхмүүдийг л ийм өндөр дээд төвшиндөө хүлээн авдаг байна. Тэр тусмаа МАН шиг сөрөг хүчний удирдагчийг Хятадын Ардын Улс төрийн зөвлөлдөх зөвлөгөөний үндэсний хорооны дэд дарга, Хятадын Коммунист Намын Төв хорооны Гадаад харилцааны газрын дарга нь хүлээн авна гэдэг урьд хожид тун ховор тохиолдсон уулзалт гэнэ шүү.