С.Саруул

“Малчны шуудан” сэтгүүлийн сэтгүүлчид “Алтандорнод Монгол” компани болон УИХ-ын гишүүн Сү.Батболдыг шүүхэд өгнө гэдгээ олон нийтэд мэдэгдлээ. “Алтандорнод Монгол” компани нь Булган аймгийн Дашинчилэн сум, Төв аймгийн Заамар сумын малчдын малын бэлчээрт хайгуул хийх эрхийг  хууль бусаар  авчээ. Тухайн үед Засгийн газрын тэргүүн байсан Сү.Батболд ашиглалтын лиценз нь дууссан “Алтандорнод Монгол” компанийн цуцлагдсан лицензийн эрхийг сонгууль далимдуулан  2014 он хүртэл сунгасан байна. Тус компани Дашинчилэн сумын 7203 га малын бэлчээрийг ашиглахаар холбогдох хүмүүст хүсэлт гаргасан бөгөөд тухайн компанийг эсэргүүцсэн малчдыг дарамталж, мөнгө тараах зэргээр гарын үсэг зуруулжээ.Хайгуул хийх гэж байгаа  газар нь Туул голын ай сав, тусгай хамгаалалттай газар юм байна. Малчны шуудан сэтгүүлийн сэтгүүлч Д.Туяа   “Алтандорнод Монгол” компанийн хууль бус үйлдлийг нутгийн иргэдэд мэдээлэх гэсэн  сэтгүүлчийг ямар ч үндэслэлгүйгээр Хан-Уул дүүргийн цагдаагийн хэлтэст саатуулсан. Цаашид уул уурхайн компани болон хууль бус шийдвэр гаргасан төрийн албан хаагчдыг шүүхэд өгнө” гэлээ.