М.ГАН

УИХ найман байнгын хороотой. Тэдгээрийг удирддаг дарга нарын ээлжит сонгуулийг энэ сард багтаан явуулж, өөрчлөхөөр болсон байна. Найман байнгын хорооны даргыг Ардчилсан нам болон МАХН-МҮАН-ын “Шударга ёс” эвсэл, бие даагчдын төлөөлөл удирддаг. 

УИХ-ын тухай хуульд байнгын хорооны дарга нарын бүрэн эрхийн ху­гацааг нэг жилээр хяз­гаарласан байдаг. Иймд одоогийн байнгын хо­рооны дарга нарын бүрэн эрхийн хугацаа хуулийн дагуу дуусгавар болжээ. Тиймээс энэ сард багтааж байнгын хороодын дарга нарын сонгуулийг явуулах шаардлагатай гэж УИХ дахь Ардчилсан намын бүлэг үзсэн байна.

Одоогоор Аюулгүй байдал, гадаад бодлогын байнгын хорооны даргаар Ц.Цолмон, Байгаль орчин, хүнс, хөдөө аж ахуйн байнгын хорооны даргаар Г.Баярсайхан,  Нийгмийн бодлого, боловсрол, соёл, шинжлэх ухааны байнгын хорооны даргаар З.Баянсэлэнгэ, Өргөдлийн байнгын хо­рооны даргаар Р.Бурмаа, Төрийн байгуулалтын байнгын хорооны даргаар А.Бакей, Төсвийн байнгын хорооны даргаар Ц.Даваасүрэн, Хууль зүйн байнгын хорооны даргаар Ш.Түвдэндорж, Эдийн засгийн байнгын хорооны даргаар Б.Гарамгайбаатар нар ажилладаг юм.

Дээрх байнгын хо­роо­дыг удирдах шинэ дарга нарын нэрс одоогоор тодроогүй ч сонгуульд өрсөлдөх гишүүд аль хэ­дийнэ өөрсдийгөө сойж эхэлжээ. Байнгын хорооны дарга нь тусдаа төсөвтэй, нэлээд эрх мэдэлтэй албан тушаал тул гишүүд хүчтэй өрсөлддөг юм.