Д.БОЛОР

Төрийн тусгай ал­бан хаагчдын нэгдсэн эмнэл­гийн шинэ байр хуулийнх­ныг тал­цуулж эхэлжээ. Бариг­даж дуусаагүй энэ барилгад Хууль зүйн яам, прокурорын байгуул­лагын­хан хэн нь орох тухай маргаан гаргаж бүр нэгнээ шүүхэд өгсөн байна.

Анх Хууль зүйн сайд Х.Тэмүүжин эмнэлгийг нь татан буулгахдаа Ерөнхий прокурор Д.Дорлигжавтай аман тохироо хийсэн гэнэ. Тодруулбал, шинэ байрандаа Улсын Ерөнхий прокурорын газар болон яамныхаа зарим агентлагийг оруулна гэж. Гэвч замын дунд “Улсын мөрдөн байцаах газрын байр актлагдахад бэлэн болчихож. Бас Хуульчдын холбоо хэмээх том байгууллага байгууллаа. Удахгүй Мөрдөх алба гэх байгууллага бий болно. Тэгэхээр УЕПГ-ынхан орох боломжгүй. Манай яамны агентлагууд өөрсдөө багтаж шингэхгүй нь” гэж Х.Тэмүүжин сайд амалснаасаа буцсан юм байх. Үүнд нь дургүйцсэн Д.Дорлигжав Хууль зүйн яам болон Засгийн газрыг Сүхбаатар дүүргийн шүүхэд өгчээ.

Ерөнхий прокурорын нэхэмжлэлтэй шүүх хурал өчигдөр болохоор товлосон ч зарим нотлох баримт нь дутуу байна гэх үндэслэлээр хойшилсон юм. Эмнэлгийн шинэ байрыг оффис болгосон тухай Засгийн газрын тогтоол болон бусад бичиг баримтыг шүүгчид нэхсэн учраас хурал хойшлох шалтгаан болжээ.