15 алба хаагчийн нийгмийн асуудлыг шийдвэрлэв

Нүүр

Геополитик

15 алба хаагчийн нийгмийн асуудлыг шийдвэрлэв

2019-05-06

Нийтэлсэн: Админ

1 мин

ХУВААЛЦАХ

ЖИРГЭХ

Т.САЙХАН “Монгол цэргийн нэгдсэн холбоо”, Орхон аймгийн ЗДТГ хамтран энэ сарын 3-ны өдөр “Мянган мөрдэстөн” чуулга уулзалтыг Орхон аймагт зохион байгуулсан билээ. Энэхүү уулзалтад тус аймгийн төрийн цэргийн болон хууль сахиулах байгууллагын алба хаагчид, тэтгэвэр чөлөөнд гарсан ахмад буурлууд оролцож “Монгол цэргийн нэгдсэн холбоо”-ны салбар зөвлөлийг байгуулж, тэргүүнээр нь аймгийн Засаг дарга Д.Батлутыг сонгосон юм. Тэгвэл чуулга уулзалтын дараа нэгэн онцлох үйл явдал болсон нь аймгийн Засаг даргын санаачилгаар төрийн цэргийн болон хууль сахиулах байгууллагад ажиллаж буй алба хаагчдын нийгмийн асуудлыг шийдвэрлэх хүрээнд Зэвсэгт хүчин, онцгой байдал, цэргийн штаб, цагдаа, прокурор, тагнуул, дотоодын цэрэг, шүүхийн шинжилгээ зэрэг 9 байгууллагын 15 алба хаагчдад хашаа байшин бэлэглэсэн юм. Аймгийн Засаг ЗДТГ-аас зорилтот бүлгийн айл өрх болоод төрийн цэргийн байгууллага, хууль сахиулах байгууллагын алба хаагчдад 55 га газар олгож байгаагаас 15 га газарт нь хашаа, байшин барьж өгсөн нь энэ юм. Нэр бүхий алба хаагчдад хашаа, байшин хүлээлгэн өгөх ёслолын ажиллагаанд Монгол Улсын Ерөнхий сайдын ахлах зөвлөх Б.Энх-Амгалан, зөвлөх Л.Алтангэрэл, “Монголын цэргийн нэгдсэн холбоо”-ны нарийн бичгийн дарга, Монгол Улсын Ерөнхий сайдын зөвлөх, бэлтгэл дэслэгч генерал Ц.Тогоо, Батлан хамгаалахын дэд сайд Т.Дуламдорж, БХЯ-ны СБТГ-ын дарга, бригадын генерал Г.Сайханбаяр, ЗХЖШ-ын нэгдүгээр орлогч дарга, хошууч генерал Р.Сүхбат, ОБЕГ-ын дарга, хошууч генерал Т.Бадрал, аймгийн Засаг дарга Д.Батлут, аймгийн Засаг дарга Д.Батлут, аймгийн ИТХ-ын дарга П.Пүрэвлхагва нарын удирдлагууд оролцож, баяр хүргэсэн юм.