Т.САЙХАН УИХ-ын 42 дугаар тойргийн нөхөн сонгууль ирэх зургадугаар сарын 30-нд болно.  Сонгуульд оролцох намууд хуулийн дагуу тавдугаар сарын 1-нээс өмнө Сонгуулийн ерөнхий хороонд хүсэлтээ өгөх ёстой байдаг. Энэ дагуу МАН өнөөдөр /04.30/ СЕХ-нд хүсэлтээ хүргүүллээ. МАН-ын бүлгийн дарга Д.Тогтохсүрэн  “УИХ нэгдүгээр сарын сүүлээр шийдвэр гаргаж 42 дугаар тойргийн нөхөн сонгуулийг зургадугаар сарын 30-нд явуулахаар болсон. Сонгуулийн хуульд заасан 10 чиглэлийн баримт бичиг бүрдүүлснийгээ гардуулж өгч байна.  Энэ удаагийн сонгууль Монголын улс төрийн намууд болон улс төрчдийн рейтингийг тогтоосон сонгууль болох байх гэж бодож байгаа. МАН-ын хувьд хариуцлагатай оролцоно. Албан ёсоор нэр дэвшихээ илэрхийлсэн хүн алга байна. Одоогоор тус тойрогт судалгаа явуулж, хэд хэдэн хүнийг ярьж байгаа, нэр дэвшигч эцсийн байдлаар тодорхой болоогүй. Ерөнхий сайд дэвших үү гэсэн хүлээлт байна. Дэвших боломжтой хүн мөн үү гэвэл мөн” гэлээ. Эх сурвалж:www.polit.mn