Ж.ЦОГЗОЛМАА Тайваньд ирэх онд болох Ерөнхийлөгчийн сонгууль дэлхийн анхаарлын төвд байна. Энэхүү сонгуульд тэрбумтан бизнесмен өрсөлдөж байгаа нь эл сэдвийг бүр ч илүү “өнгөлж” буй. Тэгвэл энэ сэдвээр “Forbs.com”-д нийтлэгдсэн “Тайванийн Трамп” нийтлэлийг хүргэж байна. Тайваньд өрнөж буй Ерөнхийлөгчийн  сонгууль дэлхийн улс орнуудын анхааралд ихээр өртөж байна. Учир нь энэ нутагт анх удаа бизнесмен хүн төрийн удирдлагыг гартаа авах магадлал өндөр байгаа юм. Foxconn компанийн үүсгэн байгуулагч Терри Гоу ирэх онд тохиох Ерөнхийлөгчийн сонгуульд нэр дэвшихээ албан ёсоор зарлалаа. Хррин олон улсад түүнийг “Тайванийн Трамп” хэмээн нэрийдэж байна. Сонгуулийн кампаниа хэдийнэ эхэлсэн тэрээр энэ арлын 24 сая хүний дуу хоолой болохоор шийджээ. Сонгогчид болон дэмжигчид нь энэ удаагийн сонгуулийг “Бизнесмэн хүн ялбал Тайванийн гацаа саадыг давах шинэ бодлого нэвтрүүлж чадна” гэсэн нүдээр харж буй. Өдгөө 68 настай Гоу барууны ертөнцөд Apple Inc.-ийн нүүр царай болсон IPhone үйлдвэрлэгч гэдгээрээ алдаршсан нэгэн. Бас суусан газраасаа шороо атгадаг зангаараа цуутай Трамптай ч ижилсэн гэхэд хилсдэхгүй. Үүнийгээ ч тэр өнгөрсөн жил Уисконсинд болсон ёслолын ажиллагааны үеэр баталсан юм. Ингэхдээ Гоу 10 тэрбум ам.долларын өртөг бүхий үйлдвэрлэлийн цогцолбор барихаар санаа шулуудсан аа зарласан нь Д.Трампын магтаал сайшаалыг хүртсэн удаатай. Трамп үүнийг нь үлэмж үнэлээд дахин 13 мянган ажлын байр бий болох нь хэмээн бахадсан билээ. Гадаад улсуудын цахилгаан барааны захиалга өнгөрсөн сард 10 гаруй хувиар буурсан дүн байна. Ингэхээр энэ графикийг бизнесийн аргаар өөд нь өргөх хүн Тайваньд хэрэгтэй байна. Гэхдээ өөр нэг зүйлийг дурдахгүй өнгөрч боломгүй. Ард түмэн нь Ерөнхийлөгчөөсөө дутагдалтай талуудыг нь ч толины тусгал адил ажиж байгаа. Хамгийн эхний жишээ бол Трамп, мэдээж. 2016 оны сонгуулиас өмнө тэр цуутай бизнесмен байсан бол одоо Цагаан ордны бодлогыг атгаж буй суутан. Гэвч хуулийг гартаа атгасан хүнээс гай, гавьяа хоёрын аль нь ч гарч мэдэх. Зарим хүн Трампыг хангалттай ажиллаж чадахгүй байгаа тухай маргах нь ч бий. Түүний удирдаж буй энэ цагт хамгийн багадаа л гххэд дөрвөн банк дампуурчихсан санах л хэрэгтэй. Эх сурвалж: www.polit.mn