Гэрэл зураг: ТАСС/ОХУ- ын Ерөнхийлөгчийн хэвлэл мэдээллийн алба/Алексей Никольский

Д.ЭНХЭЭ Эрх зүйн чадамжгүй нэг талын хориг арга хэмжээ бол протекционизмын илрэх нэг хэлбэр мөн бөгөөд олон улсын хамтын нийгэмлэг хариу арга хэмжээ бодож боловсруулах ёстой. Бээжинд болж байгаа “Нэг бүс-нэг зам” олон улсын форумын нээлтийн ёслол дээр ОХУ-ын Ерөнхийлөгч Владимир Путин ийм мэдэгдэл хийв. НҮБ-ын Аюулгүйн Зөвлөлийг алгасч эрх зүйн чадамжгүй нэг талын хориг арга хэмжээ авч, эсвэл худалдааны дайн явуулж байгаа нь протекционизмын илүү аюултай хэлбэр мөн хэмээн түүний хэлсэн үгийг “РИА Новости” уламжилжээ. Иймэрхүү зорилтын эсрэг олон улсын хамтын нийгэмлэг гагцхүү хамтарч байж л зогсож чадна. Эдгээр сөрөг үйлдэл нь терроризм, экстремизм, хууль бус цагаачлалыг тэтгэх орчин бүрдүүлж, бүс нутгийн янз бүрийн зөрчил сөргөлдөөний шалтгаан болж байна хэмээн Оросын Ерөнхийлөгч онцолжээ. Улс орон нэг бүрийн хууль ёсны эрх, тусгаар тогтнолыг хүндэтгэх зарчимд үндэслэн евроазийн бүх түнштэй маш нягт харилцан хамтарч ажиллахыг ОХУ хүсч сонирхож байна хэмээн Владимир Путин нэмж хэлжээ. Цор ганцаар глобал лидер байх ёстой хэмээн мэдэгдэж, шантаажлах, хориг тогтоох арга хэрэглэж, өөрийн үнэт зүйлсээ хүчээр тулгах оролдлого хийж байгаа зарим улс оронтой ОХУ санал нийлэхгүй гэдгийг ОХУ- ын Ерөнхийлөгч Владимир Путин дөрөвдүгээр сарын 25-нд Бээжинд хийх айлчлалынхаа өмнө хятадын “Жэнминь Жибао” сонинд өгсөн яриандаа мэдэгдсэн. Владимир Путин дөрөвдүгээр сарын 26-27-нд болох “Нэг бүс – нэг зам” олон улсын форумд оролцож байгаа юм. ОХУ-ын төрийн тэргүүн дөрөвдүгээр сарын 25-нд БНАСАУ- ын лидер Ким Жон Унтай хэлэлцээр хийснийхээ дараа Владивостокоос Бээжинд нисч иржээ. Дөрөвдүгээр сарын 26 – нд Үндэсний конгресс төвд форумын нээлтийн ёслол дээр оросын лидер үг хэлсэн. Мөн Азербайжан, Египет, Кипр, Сербийн лидерүүд, Мьянмар ын гадаад хэргийн яамны тэргүүнтэй хоёр талын уулзалтууд хийж. Хятадын удирдагч Ши Жиньпинтэй хэлэлцээр хийж байна. . Дөрөвдүгээр сарын 27-нд В.Путин формын гурван хуралдаанд оролцож, нэгэнд нь үг хэлсэн байна. “Нэг бүс-нэг зам” форумд дэлхийн 150 орны төлөөлөгч, 37 орны лидер оролцох ажээ. Томоомон энэ арга хэмжээнд 5000 гаруй хүн оролцох бөгөөд ОУВС, НҮБ зэрэг олон улсын 90 гаруй байгууллагын төлөөлөгч оролцсон юм. Эх сурвалж: www.polit.mn