ОХУ-ын Владивосток хотноо өчигдөр буюу 2019.04.25-нд ОХУ-ын Ерөнхийлөгч  Владимир Путин, БНАСАУ-ын удирдагч Ким Жөн Ун нарын түүхэн хэмээн тодотгосон дээд хэмжээний уулзалт болж өнгөрлөө. Хоёр орны удирдагч нарын нүүр тулсан уулзалтаас  Ria.ru-ийн хийсэн фото сурвалжлагыг толилуулж байна. 1 Владимир Путин,  Ким Жөн  Ун нарын хэлэлцээ гурван цаг гаруй үргэлжилсэн бөгөөд бараг хоёр цагт нь тэдний ганцаарчилсан уулзалт болсон байна. © РИА Новости / Валерий Мельников 2 ОХУ-ын Ерөнхийлөгч, БНАСАУ-ын удирдагч нарын ганцаарчилсан уулзалт харилцан ойлголцсон, үр дүнтэй болсон гэж талууд мэдэгдсэн байна. © РИА Новости / Алексей Никольский 3 “Бид хоёр орны харилцаа хамтын ажиллагааны түүх, өнөөгийн байдал болон  ирээдүйн хэтийн төлөвийн талаар авч хэлэлцэж чадсан” гэж В.Путин хэлсэн байна. © РИА Новости / Валерий Мельников 4 Дээд хэмжээний уулзалтын гол сэдэв Солонгосын хойгийн нөхцөл байдлын тухай асуудал байсан бөгөөд В.Путин , Ким Жөн Ун нар  байдлыг сайжруулахын тулд юу хийх ёстой талаар саналаа солилцсон байна. © РИА Новости / Алексей Никольский   5 Хоёр солонгосын харилцааг хөгжүүлэх, АНУ-тай харилцааг хэвийн болгох гэсэн Пхеньяны хүчин чармайлтыг Москва талархан хүлээж авч байгаа гэж В.Путин мэдэгдэв. © РИА Новости / Алексей Никольский 6 Москва нь Солонгосын хойгийн цаашлаад Зүүн хойд Азийн аюулгүй байдлыг хангах чиглэлээр хамтын ажиллагаагаа үргэлжлүүлэхэд бэлэн байгаа гэдгийг ОХУ-ын Ерөнхийлөгч дахин нотлосон байна. © РИА Новости / Алексей Никольский 7 Ким Жөн Ун хэлэхдээ, БНАСАУ болон ОХУ-ын харилцаа урагшлан хөгжиж байгаа нь зөвхөн хоёр улсын төдийгүй бүс нутгийн аюулгүй байдлыг хангахад онцгой ач холбогдолтой гэдгийг онцолсон байна. © РИА Новости / Валерий Шарифулин 8 Уулзалтын үеэр Алс дорнодын дэд бүтцийн төслүүд, тухайлбал Солонгосын хойгийн өмнөд хэсгийг Транс-Сибирийн төмөр замтай холбох төслийн талаар хоёр орны удирдагч нар ярилцсан байна. © РИА Новости / Валерий Мельников 9 ОХУ-ын Ерөнхийлөгч хэлэлцээрийн хэрэгжилтийн талаар БНАСАУ-ын удирдагчид мэдээлнэ гэсэн байна. © РИА Новости / Алексей Никольский 10 Дээд хэмжээний уулзалтын  үр дүнд сэтгэл хангалуун байгаа гэдгээ ОХУ-ын Ерөнхийлөгч хэвлэлийн бага хурлын үеэр хэллээ. © РИА Новости / Алексей Никольский 11 В.Путин хэлэхдээ, Хойд Солонгосын удирдагчийг “Нээлттэй, яриа хэлэлцээ өрнүүлэхэд сонирхолтой хүн” гэсэн байна. © РИА Новости / Валерий Мельников 12 Хоёр удирдагчийн нүүр тулсан уулзалт дууссаны дараа хэлэлцээ өргөтгөсөн бүрэлдэхүүнтэйгээр үргэлжилсэн байна. © РИА Новости / Алексей Никольский 13 ОХУ-ын Ерөнхийлөгч Владимир Путин, БНАСАУ-ын удирдагч Ким Жөн Ун нар. © РИА Новости / Валерий Мельников 14 Хоёр талын уулзалтын дараа Ким Жөн Ун Владимир Путинд солонгосын илд бэлэглэлээ. © РИА Новости / Алексей Никольский 15 Түүхэн дээд хэмжээний уулзалт өндөрлөсний дараа хоёр удирдагч  хүндэтгэлийн зоог барив. © РИА Новости / Алексей Никольский