Х.ОЮУНБОЛД ОХУ-ын ерөнхийлөгч Владимир Путин, Хойд Солонгосын удирдагч Ким Жон Ун нарын Оросын аралд хийж байгаа анхны уулзалт эхэллээ. Тэрээр “Ким Жон Унтай мэндэлснийхээ дараа ирсэнд баярлалаа. Энэ уулзалтаар Солонгосын арлын цөмийн зэвсгийн асуудлыг нааштай шийдвэрлэхэд хувь нэмрээ оруулна гэж итгэж буйгаа илэрхийлсэн” байна. ОХУ-ын ерөнхийлөгч “Түүний ОХУ-д хийж байгаа айлчлал талуудын харилцааг хөгжүүлэхэд тусална. Мөн Солонгосын арлын нөхцөл байдлыг хэвийн байдалд нь эргэн оруулахад аль арга зам нь тохиромжтой болохыг ойлгох боломжийг бидэнд олгоно. Энэ асуудлыг шийдвэрлэхийн тулд бид юу хийж болох, ОХУ өнөөдөр хэрэгжиж байгаа ашигтай үйл ажиллагааг дэмжиж юу хийж болох вэ” гэдгийг онцолсон байна. Тэрээр Солонгосын зөрчлийг намдаахын тулд сүүлийн хоёр сар Пхеньянын явуулсан үйл ажиллагааг үнэлж байгаа. Мэдээж, Өмнөд, Хойд Солонгос болон АНУ-тай харилцаагаа хэвийн байдалд оруулах хэлэлцээрийг эрчимжүүлэхэд бид хүчээ дайчилна хэмээн онцоллоо. Харин Ким Жон, Владимир Путинд ОХУ-д айлчлахыг урьсанд талархсан байна. Мөн тэдний хийх хэлэлцээр үр дүнтэй болохоос гадна талуудад Солонгосын нөхцөл байдлын талаар санал бодлоо солилцох боломж олгоно гэдэгт итгэж байгаагаа илэрхийлжээ. Ким Жон Ун “Надтай уулзахын тулд Москвагаас хол зам туулж, завгүй байсан ч намайг урьж, надад цаг гаргасан хүндэт ерөнхийлөгч Владимир Путинд баярлаж” байгаагаа мэдэгдсэн байна. Мөн энэ уулзалт хоёр орны нөхөрсөг харилцааг бэхжүүлэхэд тусална гэдэгт найдаж буйгаа илэрхийлжээ. Эх сурвалж: www.polit.mn