С.САРУУЛ АТГ өнөөдөр /2019.04.25/ сар бүрийн 25-ны ээлжит хурлаа хийлээ. ЖДҮХС-гийн зээлийг зориулалтын дагуу олгож байсан эсэхэд АТГ-аас хяналт тавьж байна. Тэгвэл ЖДҮ-ийн зээл олгох журам ямар ч ойлгомжгүй. Ямар үндэслэл шалгуураар олгож байсан тодорхой бус. Зээл олгохдоо албан тушаалтнууд өөрсдийн үзэмжээрээ хандаж ирснийг мэдээллээ. Тиймээс ХХААХҮЯ-ны ЖДҮХС-гаас ирүүлсэн “Жижиг, дунд үйлдвэрийг хөгжүүлэх сангаас урт хугацаатай, хөнгөлөлттэй зээл олгох төсөл сонгон шалгаруулах журам”-ын төслийг хянаж, тодорхой санал хүргүүлэв. Журмын төсөлтэй танилцах явцад авлига, ашиг сонирхлын зөрчил гаргах, хүнд суртал, чирэгдэл учруулсан нөхцөл байдал үүсэж болзошгүй гэж үзсэн. Түүнчлэн ЖДҮХС-гийн албан хаагчдын ёс зүйн дүрмийн төслийг судлан үзээд Төрийн албаны тухай хууль, Засгийн газрын 2019 оны 33 дугаар тогтоолоор баталсан “Төрийн захиргааны болон төрийн үйлчилгээний албан хаагчийн ёс зүйн дүрэм”-ийг зөрчсөн зохицуулалт тусгагдсан байх тул хууль тогтоомжид нийцүүлэн дахин боловсруулахаар буцаажээ. Эх сурвалж: www.polit.mn