Т.САЙХАН Үндсэн хуулийн цэцийн гишүүн Д.Ганзоригийн бүрэн эрхийн хугацаа дуусгавар болсон. Түүний квот дээр   УИХ-ын дарга Г.Занданшатар хүнээ  нэр дэвшүүлэх боломжтой.  Энэ талаар улс төрийн хүрээнд яригдаж эхэлсэн ч одоогоор ямар нэгэн шийдэлд хүрч чадаагүй байна. 19 орны Элчин сайд нарыг эгүүлэн татах томилох асуудал яригдаж байгаа учраас үүний дараа оруулж ирэхээр ярилцжээ.  Гэхдээ Ерөнхийлөгчийн зүгээс ҮАБЗ-ийн зөвлөмжөөр АТГ-ын дарга, дэд дарга, Улсын дээд шүүгч, Улсын ерөнхий прокурор нарыг томилох, чөлөөлөх саналыг УИХ-д оруулж байх заалт бүхий хууль батлуулаад буй. Үүнтэй “харшилж” байгаа зүйл нь Цэцийн гишүүний  томилгоо гэдгийг  хуульчид ярьж байна.   Түүнчлэн УИХ-ын дарга энэ  асуудлыг дур мэдэн оруулж ирэхгүй боломжгүй бөгөөд Ерөнхий сайд,  Ерөнхийлөгч нартай зөвшилцөхөөр ярилцсан бололтой.  Уг нь Цэцийн гишүүнийг томилуулах, санал болгох чиг үүрэг гүйцэтгэх засаглалд төдийлөн хамаагүй албан тушаалын томилгоо байдаг билээ. Д.Ганзориг нь  2012 оноос УИХ-ын даргын Хууль зүйн бодлогын асуудал эрхэлсэн зөвлөхөөр ажиллаж байгаад 2013 оноос Үндсэн хуулийн цэцийн гишүүнээс томилогдсон юм. Эх сурвалж:www.polit.mn