Х.ОЮУНБОЛД Чилийн ерөнхийлөгч Себастьян Пинера, Монгол Улсын Ерөнхийлөгч Халтмаагийн Баттулга, Непалийн ерөнхийлөгч Бидхья Деви Бандари нар БНХАУ-д  албан ёсны айлчлал хийж байна. Үүнээс гадна тэд олон улсын хамтын ажиллагааны “Нэг зам, нэг  бүс”  хоёр дахь чуулганд оролцох юм. Ерөнхийлөгч Ши Жиньпин тэднийг хүлээн авч талуудын болон нийтийн ашиг сонирхлын тухай асуудлыг хэлэлцсэн байна. Тэрээр зочин орнуудын ерөнхийлөгч нартай хийсэн уулзалтаар энэ орны нийгэм эдийн засгийн янз бүрийн салбарт хамтран ажиллах шинэ гэрээ бий болно гэж найдаж байгаа аж. БНХАУ-д энэ гурван орны төрийн тэргүүн нараас гадна өчигдөр Швейцарийн  ерөнхийлөгч  Ули Маурер, Киприйн ерөнхийлөгч Никос Анастасиадес, Мозамбикийн ерөнхийлөгч  Филипе Ньюси,Этиопийн ерөнхий сайд Аби Ахмед, Венесуэл болон Боливийн төлөөлөгчид ирсэн байна. Өнөөдөр өглөө ерөнхийлөгч Ши Жиньпин Мозамбикийн ерөнхийлөгч Филипе Ньюстай уулзжээ. Тэдний уулзалт хоёр орны хамтын ажиллагааг өргөжүүлэх, шинэ гэрээнд гарын үсэг зурснаар өндөрлөсөн байна. Ши Жиньпин Африкийн энэ орон соёлын харилцаа, харилцан ашигтай хамтын ажиллагааг талуудын харилцаанд давамгайлж байгаа уламжлалт нөхөрлөлийг  хамтатгаснаар “Нэг бүс, Торгоны шинэ зам”-ыг  сэргээхэд гол үүрэг гүйцэтгэж байгааг онцолжээ.  Харин  ерөнхийлөгч Филипе Ньюс Мозамбикт болсон Идай хар салхины дараах нөхөн сэргээх үйл ажиллагаанд оролцож байгаад талархал  илэрхийлсэн байна. Мөн Африк тив болон түүний эх оронд дэлхийн эдийн засгийн коридор тогтворжиход ашиг тусаа өгч байгааг онцолжээ. Түүнээс гадна БНХАУ-тай хамтран стратегийн нийгэмлэг хүчирхэгжүүлэх, ирээдүйд хамтын ажилллагааны боломж байгааг судлахыг хүсч байгаагаа илэрхийлсэн  байна. Энэ сарын 27-ныг хүртэл үргэлжлэх тус чуулганд  оролцохоор бусад орны төрийн тэргүүн нар нэмж  ирэх юм байна. Тодруулбал, бусад орны 5000 гаруй зочин хүлээж авах ажээ. Маргааш нээлтээ хийх чуулганаар “Нэг зам, нэг бүс” санаачилгыг хөгжүүлэх сонирхолтой 800 бизнесмен оролцож олон сэдвийг хамарсан 12 хурал эхэлнэ. Дараа нь энэ баасан гаригт  ерөнхийлөгч Ши Жиньпин чуулганыг нээж, өндөр түвшний уулзалт чуулганыг даргалах юм. Харин чуулганы сүүлчийн өдөр чуулганд уригдсан орны тэргүүн нар оролцох нэгдсэн хуралдаан болно. Мөн  Ши Жиньпин чуулган өндөрлөх үеэр хэвлэлийнхэнд мэдэгдэл хийх юм байна. Эх сурвалж: polit.mn