Т.САЙХАН Улс төрийн намууд  Хэнтий аймгийн нөхөн сонгуульд оролцох бэлтгэлээ базааж эхэллээ.  МАХН энэ сарын 20-нд  Бага чуулганаа зохион байгуулж,  УИХ-ын  42 дугаар тойрогт болох  оролцохоор  шийдвэрлэсэн.  Харин МАН-ын Удирдах  зөвлөл өнөөдөр /04.24/ хуралдаж, бага хурлаа товложээ.  Бага хурлыг ирэх даваа гаригт буюу  дөрөвдүгээр сарын 29-нд хийхээр болсон  байна.    Энэ хурлаар Хэнтий аймагт  явагдах нөхөн сонгуульд оролцох эсэх асуудлыг хэлэлцэнэ гэсэн юм.  АН-ын  хувьд нөхөн сонгуульд  оролцох эсэх асуудал нь тодорхой болсон бөгөөд нэр  дэвшигчээ  дотооддоо  ярилцаж,  тохирсон сурагтай байна. Нөхөн сонгууль ирэх зургадугаар сарын 30-нд явагдана.  Нийтдээ 287 сая төгрөг зарцуулахаар болсон байна. Энэ хөрөнгийг Засгийн газрын нөөц сангаас гаргах юм. 42-р тойрогт сонгогдсон гишүүн Д.Гантулгыг өнгөрсөн оны зургадугаар сард үүрэгт ажлаас нь чөлөөлсөн. Сонгуулийн ерөнхий хороо хоёр ч удаа нөхөн сонгууль явуулах саналаа УИХ-д хүргүүлсэн. Гэвч сонгууль зарлан хуралдуулах тов нь үндсэн хуультай зөрчилдсөн учраас хойшлуулаад байсан юм. Эх сурвалж:www.polit.mn