Б.Намуунтамир Налайх дүүрэгт байрлах Хятадын хөрөнгө оруулалттай “Эрдэнийн хөгжил” нүүрс олборлолтын уурхайд энэ сарын 20-ны орой дөрвөн хүн осолдож гурван хүн амиа алдсан харамсалтай хэрэг гарчээ. Уг уурхайг энэ сарын 08-ны өдөр мэргэжлийн хяналт хаасан байна. Гэвч хоёр хоногийн дараа өдрөөс хууль бусаар лацаа аван, үйл ажиллагааг хэвийн явуулж эхэлсэн байна. Осол 20:00 цагт нуралт үүсэж, осол гарсан байна.  Улмаар аврах анги ирэхэд нэгийг нь амьд гарган авч, хохирсон гурван иргэдийн цогцосийг 04.45 цагт гарган авсан байна. Хохирогчид 32-46 настай бөгөөд 2-4 хүүхэдтэй байсан байна. Осол гарсны дараа Хятад эздүүд нь бүгд хэргийн газраас зугтаасан байна. Уурхайд осолдож нас барсан хохирогчийн ах Б.Ууганбаяр  “ Би дүүтэйгээ хамт энэ уурхайд ажиллаад арав гаруй хонож байна. Тухайн газар нь нуралт үүсээд цууралт өгчихсөн байсан. Ийшээгээ хүн оруулж болохгүй, нуралт үүсчихсэн байна гэхэд Хятад эздүүд нь хүчээр оруулсан. Тэгж хүчээр оруулаад удаагүй байтал осол гарсан юм. Осол болоод аврах анги дуудахад 10 гаруй хятад эздүүд байсан. Осол болсоны дараагаар нэг ч Хятад байгаагүй зугтаасан. Одоогоор уурхайн зүгээс хохирогчдын ар гэрт ямар нэгэн тайлбар хийгээгүй, эмгэнэл илэрхийлээгүй. Налайх дүүргийн цагдаагийн хэлтэст Монгол талыг нь хариуцсан хүмүүс байцаалт өгч байгаа гэсэн. Цагдаагийн хэлтэсээс ч тэр бидэнд ямар ч мэдээлэл өгөхгүй байна” хэмээлээ. Эх сурвалж:www.polit.mn