Т.САЙХАН Филиппиний Манила хотноо өчигдөр /04.12/   хөнгөн жингийн дэлхийн аваргын төлөө тулаанч Ж.Нарантунгалаг  Австралийн тулаанч Мартин Нгуентэй тулалдсан. Ж.Нарантунгалаг гавьяат энэ удаа ялагдсан ч түүний талаарх онцлох баримтуудыг хүргэж байна. 1. Ж.Нарантунгалаг 1975 оны арванхоёрдугаар сарын 16-нд Булган аймгийн Бугат суманд төрсөн. Өдгөө 44 настай. Биеийн жин 70 кг, биеийн өндөр 1 метр 73 см. 2.  Тэрээр 2014-2015 оны хооронд уг жингийн дэлхийн аварга хэмээх бүсийг эзэмшиж байсан ба 2004 оноос хойш нийт 19 тулаанд орж 14 ялаад байгаа юм. 3. Ж.Нарантунгалаг эхнэр, хоёр охин, нэг хүүгийн хамт амьдардаг. 4. Тулааны спортоос төрсөн анхны гавьяат маань"Тариан түрүү өндөр ургах тусмаа бөхийдөг" хэмээх үгийг хэлэх дуртай. 5.Ж.Нарантунгалаг багадаа кикбокс, жүдо, жиү-жицү, бокс зэрэг спортын олон төрлөөр хичээллэдэг байсан. Гэхдээ аль нь ч түүний сэтгэлийг холимог тулааны спорт шиг татаж чадаагүй гэдэг.2003 онд болсон холимог тулааны "Mongolia fighting" тэмцээний 93 кг-д аваргалж, амжилтын салхиа хагалснаар энэ спортод эргэлт буцалтгүйгээр хөл тавьжээ. 6."Чингисийн цавчилт" хочийг түүнд Д.Дагвадорж аварга өгсөн 7. Тэрээр "К-1" холбооны анхны тулаанаа аварга асан А.Клаустай хийхдээ өдгөө "Чингисийн цавчилт" хэмээн алдаршсан өшиглөлтөө хийсэн юм. Ж.Нарантунгалаг гавьяат хэвлэлд өгсөн ярилцлагадаа "Чингисийн цавчилт" хэмээн дуудуулж, хүндлэгдэх сайхан байдаг ч Чингис хааны маань нэр хүнддэх вий гэж битүүхэн эмээж явдаг. Тиймээс багынхаа Тунгаа нэрээрээ л дуудуулж, дэвжээнд гардаг" хэмээн өгүүлсэн. 8."Legend FC" холбооны аварга цолоо хамгаалах тулаанаа 2013 онд Японы К.Андотой хийхдээ хөлөө хугалж, аваргын бүсээ алдсан юм. Хөлөө хугалан, шагайгаа мулталж, шөрмөсөө сунгасан түүнд зарим эмч "Дахин тулаан хийх боломжгүй" гэж хэлсэн гэдэг. Эх сурвалж:www.polit.mn