Э.НАРАНЗАЯА Шүүх Шинжилгээний Үндэсний хүрээлэнд 2017-2020 оны ахмадын оролцоог дэмжих хөтөлбөрийн хүрээнд “Гурван үеийн уулзалт”-ыг өчигдөр зохион байгууллаа.  Уулзалтанд тус хүрээлэнд өмнө нь ажиллаж байсан үе үеийн ахмадууд, хүрээлэнд ажиллаж буй шинжээчид, Хууль сахиулах их сургуулийн шинжлэн магадлахуйн төгсөх курсын сонсогчид гэх зэрэг 90 гаруй хүн оролцлоо. “Ахмад үеийнхнийгээ сонсож, хандлагаа өөрчилж залуу үеийнхээ үлгэр дууриалал болъё” уриан дор явагдаж буй уулзалт юм. Уулзалтын зорилго нь ахмад, дунд, залуу үеийн уялдаа холбоог сайжруулж ахмадын зөвлөгөө сургаалийг сонсож тэдний ажлын туршлага түүхэн уламжлалыг өвлөн авч, үргэлжлүүлэн биелүүлж албаны болон мэргэжлийн ёс зүй, зөв хандлагыг залуу үедээ төлөвшүүлэхэд оршино. Тус уулзалтанд ахмад үеийн төлөөлөл болж МУГавъяат багш С.Бадарч, криминалистикийн шинжээч Б.Лог, криминалистикийн шинжээч Ц.Рэнцэндэлэг, хүний их эмч Р.Дорждэрэм, хүний их эмч Д.Мөрөн, нягтлан бодох-эдийн засагч мэргэжилтэй С.Наранцэцэг, хуульч-криминалистикийн шинжээч Л.Бямбадолгор, хүний их эмч Т.Оюунбат, криминалистикийн шинжээч С.Бегаж нарын ахмадууд энэ уулзалтанд оролцлоо. Эх сурвалж: www.polit.mn