Т.САЙХАН Засгийн газраас Нийслэлийн Засаг даргыг хоёр орлогч, дөрвөн төслийн удирдагчтай байхаар тогтоосон. Тэгвэл өчигдөр Хотын дарга С.Амарсайхан  зарим даргыг чөлөөлж, томилсон байна. Нийслэлийн Засаг даргын Дэд бүтэц, гэр хорооллын хөгжлийн асуудал хариуцсан орлогч П.Баярхүү, Ядуурлыг бууруулах, хөдөлмөр эрхлэлтийн асуудал хариуцсан төслүүдийн удирдагч Нийслэлийн Засаг даргын орлогч Д.Энхтөр нарыг чөлөөлсөн байна. Харин Хөгжлийн бодлогын асуудал хариуцсан Нийслэлийн Засаг даргын нэгдүгээр орлогчоор Ж.Батбаясгаланг, Хүний хөгжил, нийгмийн бодлогын асуудал хариуцсан Нийслэлийн Засаг даргын орлогчоор Ш.Анхмаа нарыг томилжээ.  Төслийн удирдагчдаар Инноваци технологийн хөгжил хариуцсан төслүүдийн удирдагчаар М.Халиунбат, Агаар орчны бохирдол хариуцсан төслүүдийн удирдагчаар Д.Мөнхжаргал, Зам тээврийн асуудал хариуцсан төслүүдийн удирдагчаар Б.Отгонсүх, Хот байгуулалтын асуудал хариуцсан Төслүүдийн удирдагчаар О.Мөнгөншагайг томилсон байна.  Эх  сурвалж:www.polit.mn