Х.ОЮУНБОЛД АНУ-ын Төрийн департамент сэтгүүлч Жамиль Хашоггийн үхэлтэй холбоотой  гэж үзсэн Саудын Арабын 16 иргэнийг тус улсад орохыг хориглосон байна. Жамиль Хашо Истанбул хот дахь Саудын Арабын консулын газарт өнгөрсөн жилийн аравдугаар сарын 2-нд алагдсан билээ. Харин үүний улмаас АНУ-д орох эрхгүй болсон иргэдийн дунд хаан ширээ залгамжлах ханхүү Мохамед бин Салманы зөвлөх асан Сауд Аль Катани болон сэтгүүлчийн амь насыг хөнөөсөн бүлгийн тэргүүн Махер Мухреб нар багтжээ. АНУ-ын Төрийн нарийн бичгийн дарга Майк Помпеогийн гаргасан жагсаалтад сэтгүүлчийн цогцсыг жижиглэхэд оролцсон Сала Аль Тубайжи бас орсон байна. Төрийн департамент гаргасан мэдэгдэлдээ “Хүний эрхийг ноцтой зөрчсөн хэрэгт гадаадын Засгийн газрын өндөр албан тушаалтан холбогдсон гэсэн мэдээлэл хүлээж авсан учраас энэ 16 хүн болон тэдний гэр бүлийнхэн АНУ-д орох эрхгүй” гэж дурджээ. Мөн хуулиар Төрийн нарийн бичгийн даргыг нээлттэй эсвэл хаалттай хэлбэрээр энэ албан тушаалтнууд хэн болохыг нэрлэхийг шаардсан  гэж 16 хохирогчийн нэрийг бичсэн мэдэгдэлд онцолсон байна. Эх сурвалж: www.polit.mn