Б.НАМУУНТАМИР
“Үндэсний мэдээллийн төв”-д иргэн Л.Чулуунцэцэг, Л.Оюунцэцэг нар Д.Ганзоригийг Улсын дээд шүүхийн ерөнхий шүүгч болохыг эсэргүүцэж мэдээлэл хийсэн юм. Хэнтий аймгийн Бор-Өндөр суманд 2012 оны наймдугаар сарын 10-11 нд шилжих шөнө Л.Эрхэмбаяр бусдад зодуулсан гэх хэрэгт Л.Гансүх гэгч сэжиглэгдэн хорих ялаар шийтгүүлжээ. Гэвч тэрээр хэрэг гардаг шөнө гэртээ унтаж байсан бөгөөд энэ хэрэгт ямар ч холбоогүйг гэрчлэх гэрч байхад хэрэг тулгаж, ял оноосон байна. Энэ хэргийн бүрэлдэхүүнд шүүгч Д.Ганзориг байжээ. Жирийн иргэнийг хохироож, хилсээр ял оноосон Улсын дээд шүүхийн шүүгч Д.Ганзоригийг Ерөнхий шүүгч болох чадваргүй хэмээн эсэргүүцэж буйгаа илэрхийллээ.
Мөн Б.Ариунжаргал гэгч эмэгтэйг уг гэмт хэргийг гэрчлэх цорын ганц гэрч хэмээж, өгсөн мэдүүлгийн дагуу шүүхээс яллах дүгнэлт гаргасан байна. Гэвч энэ эмэгтэй 16 удаагийн мөрдөн байцаалтад 16 өөр мэдүүлэг өгчээ. Үүнийг нь 2016 онд “мөрдөн байцаалтад зориудаар худал мэдүүлэг өгөх” гэмт хэрэг үйлдсэн гэж үзэж шүүхээс шийтгэл оноожээ. Гэсэн ч Л.Гансүхийг буруутай хэмээн үзэж шүүхийн шийдвэрийг хэвээр үлдээсэн аж. Мөн Л.Гансүхийг гэм буруугүйг гэрчлэх гэрч С.Ганбаатарыг цагдаа нар эрүүдэн шүүж амь насыг нь хохироосон гэв.
Хэлмэгдэгч Л.Гансүхийн төрсөн эгч Л.Чулуунцэцэг “Бид хууль хяналтын байгууллагын буруутай үйл ажиллагаанаас болж хохирсон иргэний ар гэрийнхэн байна. Жирийн иргэнийг хохироож, хилсээр ял оноосон Улсын дээд шүүхийн шүүгч Д.Ганзоригийг Ерөнхий шүүгч болох чадваргүй хүн гэж үзэж байгаа. Гэртээ унтаж байсан хүнд хилсээр ял оноож хохироосон хүн Улсын дээд шүүхийн Ерөнхий шүүгч болох гээд нэр дэвшиж байгаад харамсаж байна. Түүгээр ч зогсохгүй хууль хяналтын байгууллагууд нэгнийхээ хууль бус шийдвэрийг хаацайлан хамгаалж, хэлмэгдсэн хүнийг улам хохироодог явдал байгааг бид эсэргүүцэж энэ хурлыг хийж байна. Дүүгээ хилс хэргээс мултлахын тулд би зургаан жилийн хугацаанд 40 гаруй сая төгрөг зарцуулсан ч бараагүй. Хуулийн байгууллагын ажилтнууд архины хамааралтай болсон Б.Ариунжаргал гэх эмэгтэйд 500 мянган төгрөг өгнө гэх мэтээр хууран мэхэлж мэдүүлэг аваад өөр ямар ч нотлох баримтгүйгээр дүүг минь ялласан. Миний дүүг гэмт хэрэгтэн болгож худал мэдүүлэг өгсөн Б.Ариунжаргалын өгсөн бүх мэдүүлэг нь худал болохыг сүүлд шүүх өөрөө тогтоочихсон мөртлөө хуурамч мэдүүлгийнх нь улмаас ял сонссон дүүгийн минь ялыг хэрэгсэхгүй болгоогүй. Хүмүүс шүүгчдэд мөнгө өгөхгүй бол хэргээс гаргахгүй дээ гэж удаа дараа зөвлөж байсан. Гэвч би шударга учраас шударгаар тэмцээд дийлсэнгүй” гэж байлаа.
Эх сурвалж www.polit.mn
Төв Азийн орнууд болон Японы анхны дээд хэмжээний уулзалт
Төв Азийн таван орон болон Японы удирдагч нарын уулзалт арванхоёрдугаар сарын 18-20-нд Токиод болж өнгөрсөн. Энэ уулзалт нь бүс нутгийн хамтын ажиллагааны үйл явц шинэ эрч хүч авч буй Төв Азийн өнөөгийн чиг хандлагын хүрээнд онцгой ач холбогдолтой Стратегийн түншлэлийн шинэ үе шат болж байгааг хэвлэлүүд мэдээлж байна.
2025-12-26
ЧУУЛГАН: Үндэсний эрчим хүчний аюулгүй байдлыг бэхжүүлэх Засгийн газарт чиглэл өгөх тухай тогтоолыг батлав
УИХ-ын чуулганы өнөөдөр /2025.12.26/-ийн хуралдаанаар Үндэсний Эрчим хүчний аюулгүй байдлыг бэхжүүлэх “Засгийн газарт чиглэл өгөх тухай” УИХ-ын тогтоолын төслийг баталлаа.
2025-12-26
Монгол Улсын Усны нөөцийн зөвлөл хуралдаж байна
Монгол Улсын Усны нөөцийн зөвлөлийн ээлжит хуралдаан өнөөдөр болж байна. Тус хуралдаанаар усны нөөцийг хамгаалах, зохистой ашиглах, төлөвлөлтийг сайжруулахад чиглэсэн 11 судалгааны ажлын тайланг хэлэлцэнэ.
2025-12-26
Д.Трамп Казахстан, Узбекистаны удирдагч нарыг G20 дээд хэмжээний уулзалтад урив
АНУ-ын Ерөнхийлөгч Дональд Трамп Казахстан, Узбекистан улс 2026 онд Флорида мужийн Майами хотод болох G20-ийн дээд хэмжээний уулзалтад урилга хүлээн авах болно гэж мэдэгдэв. Тэрээр энэ талаар Truth Social олон нийтийн сүлжээндээ бичжээ.
2025-12-26
Parliamentary Committee Reviews Draft Resolution to Increase Mongolia’s Benefits from Oyu Tolgoi
The Economic Standing Committee of the Parliament discussed a draft parliamentary resolution on December 23, 2025, aimed at safeguarding Mongolia’s national interests and increasing the country’s benefits from the operation of the Oyu Tolgoi group of deposits.
2025-12-26Монгол Улсад 2026 онд болох аялал жуулчлалын нэгдсэн цагалбар
Монгол Улсад 2026 онд соёл, аялал жуулчлал, спортын чиглэлээр зохион байгуулагдах хурал, зөвлөгөөн, үзэсгэлэн арга хэмжээний нэгдсэн цаглаврыг нийслэл, 21 аймаг, төрийн байгууллагууд, мэргэжлийн холбоодын саналыг үндэслэн нэгтгэж, Засгийн газрын 2025 оны 12 дугаар сарын 24-ний өдрийн хуралдаанаар танилцууллаа.
2025-12-26
Тэргүүн түшмэлийн зэрэг дэв олгов
Монгол Улсын Засгийн газраас өргөн мэдүүлсний дагуу төрийн албаны удирдах албан тушаал хашиж байгаа нэр бүхий 21 эрхэмд Монгол Улсын Ерөнхийлөгчийн зарлигаар Тэргүүн түшмэлийн зэрэг дэвийг шинээр болон ахиулан олголоо.
2025-12-26
УИХ дарга уурхайчдад ойн баярын мэнд хүргэв
Монголын уул уурхайн салбарын үүсч хөгжсөний 103 жилийн ой өнөөдөр /2025.12.25/ тохиож байгаа ба УИХ-ын чуулганы нэгдсэн хуралдааны үеэр Их Хурлын дарга Н.Учрал “Эдийн засгийг нуруундаа үүрч яваа, нийгэм, эдийн засгийн хөгжилд чухал хувь нэмэр оруулж ирсэн уул уурхайн салбарынхан, уурхайчдадаа түүхт ойн мэндийг өргөн дэвшүүлье. Та бүхэнд ажлын амжилт, сайн сайхан бүхнийг хүсье” гэж тус салбарынханд баярын мэндчилгээ дэвшүүлэв.
2025-12-26
Улсын ерөнхий прокурорын орлогч М.Чинбат гэж хэн бэ?
Монгол Улсын Ерөнхийлөгч Ухнаагийн Хүрэлсүх зарлиг гарган, Максимын Чинбатыг Улсын ерөнхий прокурорын орлогчийн албан тушаалд улираан томилсон.
2025-12-26