Б.НАМУУНТАМИР Үндэсний мэдээллийн төвд Ардчилсан намын ахмад гишүүд намаасаа татгалзаж байгаагаа илэрхийлж мэдээлэл хийсэн юм. Тэдний намын гишүүн байхаасаа татгалзаж байгаа шалтгаан нь АН-ын одоогийн удирдлагууд ард түмний эрх ашгийн төлөө бус өөрсдийн хувийн эрх ашигтаа нийцүүлэн, ардчилсан байх зарчмаасаа гажсан учир АН-ын ахмад таван гишүүн намаасаа татгалзаж байна гэв. АН-ын үндэсний бодлогын хорооны гишүүн Д.Батмөнх “Намаасаа гарна гэдэг маш том шийдвэр байлаа. АН-ын одоогийн удирдлагууд үндэсний эрх ашигт үл нийцсэн шийдвэрүүдийг удаа дараа гаргаж, улс орноо цаашид авч явах чадамжгүй гэдгээ харуулаад байна. 20 гаруй жил ардчиллын төлөө тэмцэж, өөрчлөгдөнө гэж найдаж бат зогсож байсан. Одоогийн удирдлагууд “МАНАН-МАФИ”-ийн гар хөл бологсод гэдэг нь илт байна. Нам дотроо хэмлэлдэж, иргэдийнхээ эсрэг шийдвэрүүдийг гаргаж, эв нэгдлийг эвдэн сүйтгэж байна. Одоогийн АН-ын дээд доод шатныхан ардчиллыг доройтуулснаараа иргэдээсээ, намынхаа гишүүдээс уучлалт хүсэхийг шаардаж байна” гэсэн юм. Эх сурвалж www.polit.mn