Т.САЙХАН УИХ-ын хаврын чуулган  62.7 хувийн ирцтэйгээр нээлтээ хийлээ.  Энэ удаагийн чуулганаас эхлэн УИХ-ын гишүүд хурууны хээгээр ирцээ бүртгүүлэх, санал өгөх эрхтэй болж байгаа юм. Гэсэн чуулганы нээлтэд 40 гаруй гишүүн оролцлоо. УИХ-ын дарга Г.Занданшатар "Энэ удаагийн хаврын чуулган иргэд олон нийтийн хүсэн хүлээсэн, нийгмийн анхаарлыг татсан олон асуудлыг хэлэлцэхээрээ онцлогтой. Үндсэн хууль, хүний эрх, хүний нэр төрийн эсрэг олон улсад хүлээсэн үүргийг ноцтой зөрчсөн асуудал олон нийтэд ил болсон. Энэ нь шударга шүүх эрх мэдлийн тогтолцоонд ноцтой байдал үүссэнийг илэрхийлж байна. Тиймээс чуулганы эхэнд Улсын ерөнхий прокурор, Улсын дээд шүүхийн шүүгчийг томилох асуудлыг шуурхай шийдвэрлэнэ. Ард иргэдийн санал шүүмжлэл, төр нийгмийн зүтгэлтнүүдээс ирүүлсэн саналыг анхаарч үзвэл шүүх засаглалыг сайжруулах, УИХ-ын нэр хүндийг өсгөх, Засгийн газар иргэдийнхээ амьжиргааг дээшлүүлэх арга хэмжээ авах санаачлага гарч байна гэлээ. Одоо Төрийн ордонд Хууль зүйн байнгын хороо хуралдаж, Улсын ерөнхий прокурорын томилох асуудлыг хэлэлцэнэ.  Харин үдээс хойш 15.00 цагт УИХ-ын чуулганы хуралдаанаар прокурорыг томилох юм. Эх сурвалж:www.polit.mn