Х.ОЮУНБОЛД

• Хөлбөмбөг тоглож эхэлсэн он: А.С Милан багт  1985 оны нэгдүгээр сарын 20-нд
• Зодог тайлсан он: А.С Милан багаас 2009 оны тавдугаар сарын 31-нд
• Эцэг эх: Чезаре Малдини (Италийн хөлбөмбөгчин, дасгалжуулагч)
• Гэр бүл : Адриана Фосса
• Хүүхдүүд:  Кристиан, Даниэль
• Нэр: Паоло Чезаре  Мальдини
• Өндөр : 1.8 метр өндөртэй

Италийн Милан хотод 1968 оны зургадугаар сарын 26-нд төржээ. Түүний аав нь Миланы хөлбөмбөгийн клубын тоглогч байсан учраас 10 настайдаа Ломбард хөлбөмбөгийн клубээс эхлээд 1982 он хүртэл цорын ганц тоглосон баг залуучуудын багт  их спортоос зодог тайлах хүртлээ тогложээ. Тэрээр энэ клубт 2009 он хүртэл тоглох хугацаандаа  902 удаа тоглож, 33 гоол оруулж байсан аж.  Мөн багийнхаа ахлагч байсан Франко Баресигийн орыг 1997 оноос авснаас хойш 2009 он хүртэл багийн ахлагчаар зүтгэсэн байна. Түүний мэргэжлийн хөлбөмбөгчний замнал 16 настайд нь 1985 оны нэгдүгээр сарын 20-нд тухайн улирлын тоглолтыг тэргүүлж байсан  Удинези багтай хийсэн тоглолтоор эхэлсэн байдаг. Харин энэ тоглолтыг дараа түүнийг  Нильс Лидхольм  ирээдүйтэй тоглогч гэж үзсэнээр 1985-1986 онд болсон тэмцээний 40 тоглолтод  оролцсон байна. Тухайлбал, Европын хөлбөмбөгийн холбооноос зохион байгуулсан тэмцээнд Францын Осер клубын багтай тэмцээний эхний үед таарч тоглосон ч түүний баг 3-1-ээр хожигдож байжээ. Харин мэргэжлийн тоглогчийн хувьд анхны гоолоо 1987 оны нэгдүгээр сарын 4-нд хийж байв. Түүний энэ гоол нь Италийн Ломбард мужийн баг “Como 1907” багтай хийсэн тоглолтод шийдвэрлэх үүрэг гүйцэтгэсэн аж.

Алдрын замнал эхэлсэн он жилүүд

Түүний алдрын замнал тэр цаг үеийн нэртэй  дасгалжуулагч нарын нэг Арриго Сакки дор очсоноор 1987 оноос эхэлжээ.Түүний тоглосон баг 1987-1988 онд Лигийн аварга, дараа жилийн 1989 оны тавдугаар сарын 24-нд Европын цомд Румын улсын “Стяуа” багийг хожиж байсан байна. Мөн хагас шигшээ тоглолтод  Испанийн домогт баг “Madrid de la Quinta del Buitre” багийг хожиж, дараа нь Европын хөлбөмбөгийн холбооны бүх цаг үеийн шилдэг багийн нэгээр шалгарч байв. Паоло Чезаре Мальдини нь багийнхаа хамгийн залуу тоглогч байсан учраас хамгаалалтанд Франко Басери, Мауро Тассоти, Филипп Галли, Алессандро Костакурта нартай хамт тоглодог байсан аж. Тэрээр багтайгаа Италийн супер цом, Европын супер цомд аварга болсноор 1989 онд болсон Тив хоорондын аварга шалгаруулах тэмцээний аваргын төлөө тоглолтод Үндэсний атлетикийн клубтэй тоглож хожсоноор дэлхийн шилдэг багаар нэрлэгдсэн байна.  

Их спортоос зодог тайлсан нь

Ийнхүү  олон улсын тэмцээнд амжилттай тоглож ирсэн Паоло Чезаре Мальдини 2006 оны дундуур зодог тайлахаар шийджээ. Гэвч “Бока Хуниорс”баг Өмнөд Америкийн хөлбөмбөгийн хамгийн том тэмцээн “Копа Америк”-д хожсоныг сонссоноор  он дуустал багтаа үлдэхээр шийдсэн байна. Учир энэ баг түүний багийг 2003 онд болсон Тив хоорондын цомын тэмцээнд хожсоноор энэ тэмцээнд түрүүлэх боломжоо алдаж байжээ. Харин 2007 оны арванхоёрдугаар сарын 16-нд Дэлхийн клубуудын тэмцээнд “Бока Хуниорс” багийг хожсоныхоо дараа 2008 оны зургадугаар сард зодог тайлж байгаагаа мэдэгдсэн байна. Гэвч “А.С Милан” клубын зүгээс 2008 оны зургадугаар сарын 6-нд Паоло Чезаре Мальдинийг тоглох гэрээгээ жилээр сунгалаа гэж мэдэгджээ.  Ингэснээр бүтэн жил 24 улирал тоглох болсноор тэрээр 1000 дахь тоглолтоо 2008 оны хоёрдугаар сарын 16-нд Парма багтай тоглосноор хийсэн байна. Тэрээр одоо А.С Милан багийн түүхэн дэх хамгийн их тоглолт хийсэн хөлбөмбөгчинд тооцогддог аж. Паоло Чезаре Мальдини албан ёсоор их спортоо 2009 оны тавдугаар сарын 31-нд орхисон байна. Эх сурвалж:www.polit.mn