Н.Ариунболд: Ц.Нямдорж сайдын мэдэгдэл Үндсэн хууль зөрчсөн

Нүүр

Геополитик

Н.Ариунболд: Ц.Нямдорж сайдын мэдэгдэл Үндсэн хууль зөрчсөн

2019-03-26

Нийтэлсэн: Админ

1 мин

ХУВААЛЦАХ

ЖИРГЭХ

Б.Намуунтамир

ХЗДХ-ийн сайд Ц.Нямдоржийг Үндсэн хуулийн цэцэд шалгуулахаар өгч байгаа талаар хуульч Н.Ариунболдмэдээлэл хийлээ. Өнгөрсөн долоо хоногт Ц.Нямдорж сайд "С.Зориг агсны амь насыг хөнөөсөн хэргээр ял эдэлж буй Б.Содномдаржаа, Т.Чимгээ нарыг эрүүдэн шүүж, хэрэг тулгасан байна. Тиймээс тэднээс болон гэр бүлээс нь уучлал гуйж байна" хэмээн мэдэгдсэн. Тэгвэл хууль Н. Ариунболд ХЗДХ-ийн сайд Ц.Нямдорж энэ мэдэгдэл нь Үндсэн хуулийн зарчимд нийцэхгүй гэж үзсэн байна. Учир нь нэгэнт шүүхээр гэм буруу нь шийдэгдсэн хэргийн талаар өөрийн байр сууриа илэрхийлсэн нь Үндсэн хуулийн зарчимд нийцэхгүй гэлээ. Мөн тэрээр “Салбарын сайд нэгэнт шийдэгдсэн хэргийн талаар өөрийн байр сууриа илэрхийлж байгаа нь Үндсэн хуулийн зарчимд нийцэхгүй байна. Эрүүдэн шүүсэн баримт байгаа бол үүнийг Засгийн газар, намын бүлэг хэлэлцэх бус тухайн асуудлыг шийдсэн прокуророор дамжуулан тухайн асуудлыг шийдсэн шүүхээр хянуулах хуулийн зохицуулалттай. Ардчилсан Үндсэн хуультай оронд нэг ч иргэн нэг ч хором хилсээр хоригдож, шийтгэгдэх ёсгүй. Шинээр илэрсэн нотлох баримтыг асуудлыг эцэслэн шийдсэн шүүхэд гаргаж өгөхгүйгээр улс төрийн хүрээнд хэлэлцэж байгаа нь хуулинд нийцэхгүй, шүүхийн бүрэн эрхэд халдсан үйл явдал болсон. Тиймээс энэ баримтыг яаралтай шүүхээр хянуулахыг ХЗДХ-ийн сайд Ц.Нямдоржоос шаардаж байна” гэлээ.

Эх сурвалж:www.polit.mn