Б.НАМУУНТАМИР “Эрдэнэт” үйлдвэрийн хуулийн хэлтсийн дарга асан Б.Мөнхжаргал өнөөдөр /03.25/ мэдээлэл хийлээ.  “Эрдэнэт” үйлдвэрийн 51 хувийг “Жаст” –ын  Ш.Батхүү барьцаанд тавин 160 сая ам.долларын зээл аваад эргүүлэн төлөөгүй. Монголын Засгийн газар Арбитрын хоёр шатны шүүхэд ялагдсан ба тодруулбал, Өмнөд Африк дахь “Стандарт” банкны мэдэлд Монголын уулын баяжуулах “Эрдэнэт” үйлдвэр очих шийдвэр гарсан байна.  Түүнчлэн Арбитрын давж заалдах шатны шүүхээс Монголын Засгийн газрыг “Жаст” группын ерөнхийлөгч Ш.Батхүүгийн “Стандарт банкнаас зээлсэн өрийг төлөх ёстой. Хэрэв түүний өрийг эргүүлэн төлж, банкны нэхэмжилсэн 51 сая ам.долларын хохирлыг барагдуулахгүй гэвэл зээл авах гэрээнд заасны дагуу “Эрдэнэт” үйлдвэр “Стандарт” банкны мэдэлд шилжин очих болно” гэх утга бүхий шийдвэр гаргасан байдаг.  Энэ талаар “Эрдэнэт” үйлдвэрийн хуулийн хэлтсийн дарга асан  Б.Мөнхжаргал “Стандарт банк хэрэв хуулийнхаа дагуу явсан бол Монголын шүүхэд ирээд Шүүхийн гүйцэтгэх хуудас бичүүлэх боломж байсан. Яагаад ингээгүй вэ гэхээр 21 гэрээ хийж байж зээл авсан. Энэ 21 гэрээний нэг нь ч Монгол улсад эх хувиараа ирээгүй энэ гэрээнүүд бүгд хуурамч учраас гаргаж ирэхгүй байгаа юм. Түүнчлэн Шийдвэр гарснаас хойш гурван жил өнгөрөөд байна. Монгол улс Арбитрын шүүхийн шийдвэрээс татгалзах боломжтой” гэсэн юм. Эх сурвалж:www.polit.mn