Төрийн байгууллага авлигад хамгийн ихээр өртсөн хэвээр байна гэв

Нүүр

Геополитик

Төрийн байгууллага авлигад хамгийн ихээр өртсөн хэвээр байна гэв

2019-03-18

Нийтэлсэн: Админ

1 мин

ХУВААЛЦАХ

ЖИРГЭХ

Ц.БАЯР

Татварын алба, Мэргэжлийн хяналтын болон Гаалийн байгууллагыг бизнес эрхлэхэд хамгийн их саад учруулж буй төрийн байгууллагаар онцолж авлигад хамгийн ихээр өртсөн гэдгийг илрүүлжээ. Азийн сан “Бизнес эрхлэлтийн орчин дахь авлигын нөхцөл байдал” судалгааг Сант Марал сантай хамтран явуулсан судалгааны дүнгээ танилцуулсан юм. 2018 оны байдлаар төрийн алба дахь авлигын давтамж, хамрах хүрээ 2017 оныхтой харьцуулахад буурсан үзүүлэлтэй байгаа ч төрийн үйлчилгээ нь авлигад хамгийн ихээр өртөмтгий салбарт тооцогдсон хэвээр байна. АТГ-ын үйл ажиллагаанд өгөх үнэлгээ ихэнх хугацаанд сөрөг байсан. Судалгаанд оролцогчдын 41.5 хувь нь тус байгууллагын үйл ажиллагааг зөв биш гэж дүгнэжээ. Хууль, дүрэм журмын дагуу бизнес эрхлэх нь компаниудын хувьд авлигыг бууруулах хамгийн шилдэг арга хэмээжээ. Эдийн засаг сэргэх шинж тэмдэг харагдаж байгаа ч 2017 оныхтой харьцуулахад бизнесийн орчин дордсон гэж бизнес эрхлэгчид үзсэн байна. 2018 онд сөрөг үнэлгээ 84.8 хувьтай байгаа нь өмнөх жилээс 3.9 хувиар өсчээ. Татварын өндөр хувь хэмжээ болон тусгай зөвшөөрөл лицензийн сунгалт нь бизнест тулгарч буй томоохон саад бэрхшээл хэвээр байгаа бол ажиллах хүчний мэргэжил ур чадварын дутмаг байдал нь эдийн засагт сөргөөр нөлөөлж буйг судалгаанд оролцогчид онцолсон байна. Эх сурвалж: www.polit.mn