Г.ГЭРЛЭЭ

Авилгатай тэмцэх газраас “Гудамж” төслийн удирдлагыг шалгаж байгаа талаарх мэдээлэл хэвлэлээр цацагдаад байгаа. Энэ талаар “Гудамж” төслийн захирал Б.Батболд өчигдөр сэтгүүлчидтэй хийсэн уулзалтынхаа үеэр “”Гудамж”  төсөл нь зөвхөн Чингис бондын эх үүсвэрээс санхүүждэг. Тиймээс Самурай бонд “Гудамж” төсөлд ямарч хамааралгүй. Өнгөрсөн хугацаанд төслийн үйл ажиллагаанд ямар эх үүсвэрээс хэдий хэмжээний  хөрөнгө зарцуулсан бүх тайлан мэдээлэл ил тод байгаа гэсэн тайлбарыг өглөө. Харин тус төсөлтэй холбож тайлбарлаад байгаа 470 гаруй сая төгрөгөөр автомашин худалдан авсан гэх мэдээлэлд Хөдөлмөрийн тухай хуулинд ажил олгогч ажилтны хооронд хөдөлмөрийн гэрээ байгуулж, ажил үүрэг гүйцэтгэх шаардлагатай тоног төхөөрөмжийг тусгаж өгнө гэж заасан байдаг. Тиймээс төсөл хэрэгжүүлэх нэгжийн зүгээс төслийн өдөр тутмын албан хэрэгцээнд шаардлагатай автомашин , техник тоног төхөөрөмж, оффисын хэрэгцээнд зориулсан тавилга  авсан.“Гудамж төсөлд” Чингис бондын эх үүсвэрээс Хөгжлийн банкаар санхүүжүүлсэн хөрөнгийн зарцуулалт 54.368.000 болсон” гэв.