Д.АРИУН Гуравдугаар сарын кроссыг хүлээхийн учир Энэ жилийн цэргийн баяр шинэ долоо хоногийн эхний өдөр, даваа гаригт таарч байгаа. Харин наана нь гэр бүлээрээ агаар салхинд гарангаа эрчүүдээ баярлуулах боломжийг “Чингис шар айраг” компанийнхан олгож байна. УИХ-ын гишүүн М.Чимидцэрэн агсны нэрэмжит автокросс уралдааныг 21 дэх жилдээ амжилттай зохион байгуулж, ерөнхий ивээн тэтгэгчээр оролцож буй тус компанийнхны энэ удаагийн тэмцээн энэ сарын 17-ны ням гаригт Дархан-Уул аймагт болно. Жил бүрийн гуравдугаар сард тогтмол зохиож хэвшсэн “Чингис мастер кросс” авто уралдааныг үзэгчид төдийгүй тамирчид тэсэн ядан хүлээдэг. Учир нь уралдааны зам үзэгчдэд өрсөлдөөнийг бүрэн харах боломж олгохоос гадна тамирчдын хувьд огцом өгсүүр, огцом уруу, гүн жалга руу харайж орох, гүн жалгаас дүүлж гарах гэсэн техникийн хурд, хүч, тамирчдын ур чадварын өрсөлдөөнөөс гадна шоу үзүүлбэр ихтэйгээрээ бусад кроссоос онцлогтой байдаг. Ивээн тэтгэгчийн тухайд 20 жилийн турш авто спортын хөгжилд өөрийн хувь нэмрээ оруулж, чин сэтгэлээсээ тусалж дэмжиж ирсэн “Чингис” шар айрагны үйлдвэр нь дэлхийд алдартай  ХБНГУ-ын “Nordhausen”-ий шар айрагны тоног төхөөрөмжийн үйлдвэрт  захиалгаар хийсэн, хүнсний аюулгүй байдлын баталгааг хангасан төхөөрөмжөөр бүрэн тоноглогдсон орчин үеийн үйлдвэр. Монгол нутгийн цэвэр ус, Герман улсаас импортлон оруулж ирдэг дэлхийн чанар стандартын шаардлагыг бүрэн хангасан амуу соёолж, зөрөг цэцгийн ханд, хөрөнгийг технологийн дагуу исгэж болгосон дээд зэрэглэлийн шар айргийг хэрэглэгчиддээ өргөн барьдаг билээ. Эх сурвалж: www.polit.mn