Т.САЙХАН Засгийн газрын өнөөдрийн /03.06/хуралдаанаар “Эрдэнэт” үйлдвэрт зургаан сарын  хугацаатай онцгой байдал тогтоох шийдвэр гаргалаа.  Энэ талаар  ЗГХЭГ-ын дарга Л.Оюун-Эрдэнэ мэдээлэл хийлээ. Тэрээр “Онцгой байдал зарлах нь үйлдвэрийн үйл ажиллагаанд оролцохгүй.  Зөвхөн шаардлагатай санхүүгийн материалыг шалгана. "Эрдэнэт" үйлдвэрийг шалгах ажлын хэсэг Засгийн газрын хуралдааны дараа "Эрдэнэт" үйлдвэрт очиж ажиллана.  Аливаа асуудлыг мухарлаж, зөв ойлголт өгч явах нь Засгийн газрын үүрэг. Нөгөө талаар Засгийн газрын хуулиар олгогдсон бүрэн эрхийн нэг нь гэмт хэрэгтэй тэмцэх явдал юм.  ЦЕГ, болон ТЕГ-аас мөнгө угаалттай холбоотойгоор зарим нэг хүмүүст таслан сэргийлэх арга хэмжээ авсан. Өнөөдөр прокурорт хандана. Прокурор жил орчмын хугацаанд цагдаагийн үйл ажиллагааг санаатайгаар тасалдуулсан гэж үзэж байгаа. Өчигдрийн үйл явдал болсны дараа улстөрчид, төрийн өндөр дээд албан тушаалд ажиллаж байсан хүмүүс хууль, хяналтын байгууллагууд руу утасдаж дарамталж байна. Мөн “Эрдэнэт”-ийн 49 хувийн худалдан авалттай холбоотой нэр бүхий хүмүүс хууль хяналтын байгууллагууд руу утасдаж уулзахыг хүсч байгаа гэсэн мэдээлэл ТЕГ-аас ирж байна” гэлээ. Эх сурвалж:www.polit.mn