Б.НАМУУНТАМР Үндэсний мэдээллийн төвд Орон гэргүй, болон тэнэмэл, нярай хүүхэдтэй иргэдэд хоол, хувцас, ажлын байр зэргээр тусламж үзүүлэх төв өнөөдрөөс нээгдэж буй талаар “Түмэнжобс” дотоодын хөдөлмөр зуучлал компанийн  захирал С.Алтансоёмбоос мэдээлэл хийлээ. Энэ төв нь Дэнжийн 1000 байрлалтай бөгөөд орон гэргүй, тэнэмэл, нярай хүүхэдтэй иргэдийг ямар ч үнэ төлбөргүй хоол, хувцасаар хангаж, өдөр бүр 12-14 цагийн хооронд нээлттэй үйл ажиллагаа явуулах юм. Энэ төв нь зөвхөн нэг удаадаа хоол унд хувцсаар үйлчилээд зогсохгүй хаяггүй, бичиг баримтгүй иргэдийг хаягжуулан, цаашлаад нийгэмд хийж бүтээх сэтгэхүйтэй болгон, ажлын байранд зуучлах юм байна. “Түмэнжобс” дотоодын хөдөлмөр зуучлал компанийн  захирал С.Алтансоёмбо “Ид ажиллаж хөдөлмөрлөх насан дээрээ архидан согтуурч гудамжинд тасраад уначихсан хүмүүсийг хараад би их эмзэглэдэг. Ийм хүмүүст амьдралд хөлөө олоход нь туслаад, чиглэлийг нь өгөөд, арай өөрөөр амьдруулах гэсэн бодол анх орж ирсэн. Одоохондоо санхүүжилтээ өөрөөсөө гаргаж байна. Яваандаа хувь хүн албан байгууллагууд хамтарч ажиллана гэдэгт итгэлтэй байна” гэлээ. Эх сурвалж:www.polit.mn