О.Амартүвшин МҮХАҮТ-ын ерөнхийлөгчөөр сонгогдлоо

Нүүр

Геополитик

О.Амартүвшин МҮХАҮТ-ын ерөнхийлөгчөөр сонгогдлоо

2019-03-01

Нийтэлсэн: Админ

1 мин

ХУВААЛЦАХ

ЖИРГЭХ

Т.САЙХАН МҮХАҮТ-ын их хурал өчигдөр 09.00 цагт эхэлсэн ч байгууллагын дүрэм, Удирдах зөвлөлийн гишүүд болоод ирэх дөрвөн жилд удирдах Ерөнхийлөгчөө сонгож үүрийн 04:00 цагт өндөрлөлөө. МҮХАҮТ-ын Ерөнхийлөгчид О.Амартүвшин, Б.Лхагважав, Ч.Ганхуяг, Б.Жаргалсайхан, "Өгөөж" компаний захирал О.Түмэнгэрэл нарыг нийт төлөөлөгчид заалнаас нэр дэвшүүлж өрсөлдүүлснээс О.Түмэнгэрэл нэрээ татаж О.Амартүвшин, Б.Лхагважав, Ч.Ганхуяг, Б.Жаргалсайхан нарын дунд санал хураалт болж, нийт төлөөлөгчдийн олонхийн саналаар UFC группийн ерөнхийлөгч О.Амартүвшин МҮХАҮТ-ын Ерөнхийлөгчөөр сонгогдсон байна. “UFC”-гийн О.Амартүвшин нь MCS компанийн “Спирт бал бурам”, Мобиком зэрэг компаниас ажлын гараагаа эхлүүлж, 23 настайдаа маркетингийн албаны захирал болсон гэдэг.

Улмаар 25 настайдаа 2005 онд хувийн бизнесээ эхлүүлж, “UFC” группийг байгуулснаар залуу бизнесмений жагсаалтад өөрийн байр суурь эзлэх болсон юм.

Тэрээр МҮХАҮТ-ын Ерөнхийлөгчийн сонгуульд нэр дэвших болсон шалтгаанаа “Аятайхан зөв бодлого бариад явсан бол нэр дэвшихгүй гэж бодож байсан. Харамсалтай нь, дөрвөн жилийн өмнөхөөс огт урагшилсангүй. Дэлхийн банкнаас гаргадаг бизнес эрхлэх орчны үзүүлэлтээр манай улс дөрвөн жилийн өмнөхөөс 10 гаруй байраар ухарчихлаа. Бизнесийн орчин дахь төрийн нөлөө, оролцоо ихэсч байна гэсэн үг. Гадаадын хөрөнгө оруулалт сайжирсан юм алга. Эдийн засгийн өсөлт долоо руу дөхсөн, өнөө жил найман хувь хүрнэ гэж ярьж байна. Энэ өсөлт бодит бизнес эрхлэгчдэд үр дүнгээ өгөөгүй” гэж тайлбарласан байдаг.

Эх сурвалж:www.polit.mn