Х.ОЮУНБОЛД Вьетнамын нийслэл Ханойд болж байгаа Хойд Солонгос, АНУ-ын хоёр дахь өдрийн уулзалт  “Метрополь” зочид  буудалд боллоо гэж “Спутник” агентлагийн сэтгүүлч мэдээлэв. Тэрээр  Цагаан ордны ажлын хөтөлбөрийн дагуу үүний дараа том хэмжээний хурал болохоос гадна Дональд Трамп, Ким Жон Ун нар ажил хэргийн чанартай өдрийн зоог барих юм байна.  Харин өнөөдөр гринвичийн цагаар 14:05 цагт  хамтын гэрээнд гарын үсэг зурах ёслолын арга хэмжээ болно. Энэ үеэр уулзалт хийж байгаа хоёр орны тэргүүнүүд өнгөрсөн жил Сингапурт хийсэн түүхэн уулзалтад хийсэн шиг мэдэгдэл эсвэл хамтарсан тунхаглал хийж болохыг үгүйсгэсэнгүй. Урьдчилан төлөвлөснөөр хоёр дахь өдрөө үргэлжилж байгаа чуулганы хэлэлцээрийг таван цаг гаруй хийхээр юм байна.  Ерөнхийлөгч Дональд Трамп Ханойгоос явахынхаа өмнө  Гринвичийн цагаар  8:50 цагт хэвлэлийн хурал хийх ажээ.  Харин Хойд Солонгосын удирдагч Ким Жон Ун АНУ-ын ерөнхийлөгч Дональд Трамптай хийж байгаа уулзалтыг үр дүнтэй болгоход хүчээ дайчлахаа амласан байна. Тэрээр “ Би түүнд өнөөдөр энэ уулзалтыг дээд зэргийн үр дүнтэй болгохыг хичээнэ” гэж хэлсэн гэж хоёр дахь өдрийн уулзалт эхлэхийн өмнө мэдэгджээ. Түүнээс гадна түүний зөн совин нь Дональд Трамптай хийж байгаа хоёр дахь уулзалтын үр дүн сайн болно гэж хэлээд байгаа талаар нэмж ярьсан байна.  Энэ уулзалтыг сайшааж байгаа, эргэлзэж байгаа хүмүүс ч байгаа. Гэхдээ бүгд бид хоёрыг хамт суугаад уулзаж байгаа энэ мөчийг кино үзэж байгаа мэт харсаар байх болно гэж бодож байгаагаа илэрхийлжээ. Харин Дональд Трампын зүгээс  Хойд Солонгосыг цөмийн зэвсгийн туршилт явуулахаа хойшлуулсаныг сайшааж байгаа өнөөдөр болж байгаа чуулган эхлэхийн өмнө хэлсэн байна. Тэрээр “Цөмийн зэвсгийн туршилтыг хийхгүй болсныг их үнэлж байна. Энэ талаар өчигдөр орой ярилцсан” болохыг онцлон тэмдэглэжээ. Харин өчигдөр хийсэн тэдний эхний уулзалт хоёр цаг гаруй үргэлжилсэн байна.  Дональд Трамп Пхеньяныг  Солонгосын хойгийг цөмийн зэвсгээс ангижруулсны хариуд Хойд Солонгосын эдийн засгийг хөгжүүлнэ гэдгээ амлажээ. Харин Ким Жон Ун удирдагч хэлэлцээрээр хамтдаа сайн үр дүнд хүрнэ гэдэгт итгэж байгаагаа харуулсан байна. Эхний өдрийн уулзалт өндөрлөх үеэр Дональд Трамп Ким Жон Унтай том хэмжээний уулзалт , сайн хэлэлцээр хийсэн гэв. Эх сурвалж:www.polit.mn .