Х.ОЮУНБОЛД АНУ-ын ерөнхийлөгч Дональд Трамп Вьетнамын ерөнхий сайд Нгуен Суан Фуктай уулзсан байна. Тэрээр Вьетнам нь эдийн засгийн хөгжлөөрөө Хойд Солонгост үлгэр жишээ болох орон гэж мэдэгдсэн юм.  Дональд Трамп АНУ, Вьетнамтай хамтран Хойд Солонгосын эдийн засгийг хөгжүүлэх байр суурьтай байгаагаа онцлов. Түүнээс гадна Дональд Трамп ерөнхий сайд Нгуен Суан Фукийг Вьетнамын эдийн засгийг хөгжүүлэхэд том ахиц гаргасан гэж дүгнэжээ. Тэрээр Вьетнамын эрх баригчдад  түүхэн уулзалтыг хийх боломж олгосонд талархаж байгаагаа илэрхийлсэн байна. Түүнчлэн Ким Жон Унтай хийж байгаа хурал нь амжилттай болно гэдэгт найдаж байна гэв. Мөн Дональд Трамп Хойд Солонгосын удирдагчийг найз гэж үзэж байгаагаа твиттертээ жиргэжээ. Вьетнам нь  хөгжиж байгаа цөөнгүй орны нэг. Хойд Солонгос ч  цөмийн зэвсгээсээ удахгүй ангижирч хөгжинө гэж найдаж байгаагаа цахим хуудастаа бичсэн байна. Энэ бол миний найз Ким Жон Уны хувьд түүхэнд гарч байгаагүй том боломж юм. Үүнийг бид удахгүй мэдэх болно гэж Дональд Трамп жиргэжээ. Эх сурвалж: www.polit.mn