Х.ОЮУНБОЛД Кубын сонгуулийн комиссоос шинэ Үндсэн хуулийг батлах санал хураалт дуусахаас хэдэн цагийн өмнө урьдчилсан байдлаар долоон сая 524 мянга гаруй  иргэн саналаа өгсөн гэж мэдээлжээ.  Энэ талаар комиссын дарга Алина Балсейро  санал өгөхөөр бүртгүүлсэн сонгогчдын 81.53 хувь нь санал хураалтад оролцсон гэж мэдэгдсэн байна. Түүнчлэн  25348 санал хураах төв, 195 тусгай сонгуулийн төвөөс өгсөн мэдээллийг баталгаажуулах ажиллагааг эхэлнэ гэв. Алина Балсейро өчигдөр орон нутгийн цагаар 15:00 цагт сонгуулийн төв байрыг хаах үеэр өгөх мэдэээллийг багтаасан урьдчилсан мэдээллийг өгнө гэж нэмж ярьсан байна. Мөн бүртгэлтэй оршин суудаг газраа байхгүй байгаа өөр жагсаалтад багтсан иргэд эрхээ эдэлж саналаа өгч байгааг харгалзан үзэж давхардсан санал өгсөн эсэхийг батлах ёстой гэв. Харин энэ сарын 24-нд найман сая гаруй куба иргэн тус улсын парламентаас өнгөрсөн арванхоёрдугаар сард баталсан шинэ Үндсэн хуулийг батлах ард түмний санал хураалт явуулах жагсаалтад бүртгүүлсэн ажээ. Эх сурвалж: www.polit.mn