Х.ОЮУНБОЛД ОХУ-ын Гадаад хэргийн сайд Сергей Лавров ОХУ, Турк, Иран нь Сирийн газар нутагт хамтарсан цэргийн ажиллагаа явуулахаар төлөвлөөгүй гэж мэдэгдэв.  Тэрээр “Вьетнамын “VTV”, БНХАУ-ын “CTV”, ”Phoenix” телевизэд ярилцлага өгөхдөө Турк, ОХУ, Вьетнам Сирид цэргийн ажиллагаа явуулахаар төлөвлөөгүй” гэж ярьсан байна. Түүний ярьснаар одоогоор цэргийнхэн Сири, Туркийн хил дээр аюулгүй бүс байгуулж болох талаар хэлэлцэж байгаа юм. Үүнийгээ ОХУ-ын цагдаа, цэргийг энэ бүсэд тараан байрлуулах боломжийн талаар судалж байгаа гэж тодруулсан байна. Түүнчлэн Сергей Лавров АНУ ОХУ-тай Афганистаны асуудлаар харилцаагаа хадгалж, бэхжүүлж байгаа гэж мэдэгдэв. Түүнээс гадна ОХУ нь адил тэгш эрхтэйгээр, ашиг  сонирхлоо тэнцвэржүүлэхэд суурилсан асуудлыг шийдвэрлэхийн тулд АНУ-тай ажил хэрэгч харилцан яриа хийхэд бэлэн байна гэжээ. Харин Сергей Лавров “Вашингтон одоогоор Москватай ашигтай хэлбэрээр ажиллахыг хүсэхгүй байгаад харамсч” байгаагаа илэрхийлсэн байна. Түүнээс гадна хоёр орны цэргийн хүчин байнга харилцаа холбоотой ажиллаж, АНУ, ОХУ Сирийн асуудлаар зөвлөлдөж байна гэв. Эх сурвалж: www.polit.mn