Т.САЙХАН УИХ-ын нэр бүхий таван гишүүнийг ЖДҮХС-гаас өөрийн эзэмшлийн болон хамаарал бүхий компаниараа дамжуулан зээл авсан асуудлаар АТГ-аас шалгаж эхэлсэн байгаа билээ. Тэдэнд эрүүгийн хэрэг үүсгэн, яллагдагчаар татах нөхцөл байдал үүссэн учир Б.Ундармаа, Д.Дамба-Очир, Л.Энхболд, Г.Солтан нарын УИХ-ын гишүүний бүрэн эрхийг түдгэлзүүлэх саналыг Улсын Ерөнхий Прокурорын газраас УИХ-д хүргүүлсэн. УИХ-аар энэхүү асуудлыг хэлэлцээд дөрвөн гишүүний бүрэн эрхийг түдгэлзүүлэх шаардлагагүй гэж үзсэн юм. Гэвч ЖДҮХС-тай холбогдсон гишүүд хуулийн байгууллагын шалгалтын явцад саад учруулж эхэлсэн байна. Тодруулбал, гишүүн Г.Солтан, Д.Дамба-Очир, Л.Энхболд нар яллагдагчаар татах тухай тогтоолтойгоо танилцахгүй зугтаагаад байна гэсэн мэдээллийг зугтаагаад байна гэсэн мэдээллийг АТГ-аас өгч байсан. Тэгвэл таван гишүүний дөрөв нь яллагдагчаар татах тогтоолтойгоо танилцсан бол нэг гишүүн АТГ-аас дуудсан цагт огт очихгүй байгаа аж. Тэр нь Баян-Өлгий аймгаас сонгогдсон гишүүн Г.Солтан юм байна. АТГ-аас дуудахаар “Томилолтоор хөдөө явж байна. Ажилтай байна, амжихгүй” зэргээр худлаа шалтаг тоочоод очдоггүй талаар эх сурвалжууд ярьж байна. ъ Тэрээр “Монгол шаазан” компаниараа дамжуулж, 950 сая төгрөгийн зээл авсан нь тогтоогдсон байдаг. Эх сурвалж:www.polit.mn