Эеро Хейнэлуома: Монголын хөгжлийн үйл явцыг харахаар ирлээ

Нүүр

Залуус-Улс төр

Эеро Хейнэлуома: Монголын хөгжлийн үйл явцыг харахаар ирлээ

2013-06-17

Нийтэлсэн: Админ

1 мин

ХУВААЛЦАХ

ЖИРГЭХ

Улсын Их Хурлын дарга З.Энхболдын урилгаар Бүгд Найрамдах Финланд улсын парламентын дарга эрхэмсэг ноён Эеро Хейнэлуома манай улсад хийх албан ёсны айлчлалаа өчигдрөөс эхэллээ. Ноён Эеро Хейнэлуомаг “Чингис хаан” олон улсын онгоцны буудалд газардахад УИХ-ын гишүүн, УИХ дахь Монгол-Финландын парламентын бүлгийн дарга Н.Батцэрэг нарын албаны хүмүүс угтлаа.Ноён Эеро Хейнэлуома энэ үеэр хэлэхдээ, албан ёсны айлчлал нь Монгол, Финландын хооронд дипломат харилцаа тогтоосны түүхэн жил тохиож байгааг онцлоод “Монгол Улс сүүлийн жилүүдэд хурдацтай хөгжиж байгаа нь харагдаж байна. Тиймээс өөрийн биеэр айлчилж байгаа энэ өдрүүдэд Монгол орны эдийн засаг, нийгмийн хөгжлийн үйл явцыг нүдээр харах хүсэлтэй байна” гэдгээ илэрхийллээ.

УИХ-ын дарга З.Энхболд ноён Эеро Хейнэлуомаг Сүхбаатарын талбайд угтан авч, хүндэт зочны хамтаар Их Эзэн Чингис хааны хөшөөнд хүндэтгэл үзүүлээд Төрийн ордны Баганат танхимд морилов. Монгол Улсад айлчлан ирсэн өндөр дээд хэмжээний зочид Баганат танхимд саатаж, Хүндэтгэлийн дэвтэрт дурсгалын үг бичиж үлдээдэг уламжлалын дагуу эрхэмсэг ноён Эеро Хейнэлуома Хүндэтгэлийн дэвтэрт сэтгэгдлээ бичиж, гарын үсэг зурав.

Энэхүү ёслолын дараа Улсын Их Хурлын дарга З.Энхболд Бүгд Найрамдах Финланд Улсын Парламентын дарга Эрхэмсэг ноён Эеро Хейнэлуомаг албан өрөөндөө хүлээн авч уулзаж, хоёр орны харилцаа, хамтын ажиллагаа, тэр дундаа парламент хоорондын хамтын ажиллагааны асуудлаар санал солилцжээ. Ноён Эеро Хейнэлуома уул уурхай, хөдөө аж ахуйн чиглэлд хамтарч ажиллах, харилцан туршлага солилцох хүсэлтэй байгаагаа илэрхийллээ. Учир нь тус улсад сүүлийн жилүүдэд уул уурхайн салбар эрчимтэй хөгжиж байгаа юм байна. Зочид мөн манай улсын шүүх байгууллагын тогтолцоо, хөдөө аж ахуйн салбарын хөгжлийг сонирхсон байна.

Манай Засгийн газар Финландын Ойн судалгааны хүрээлэнтэй хамтарч ажилладаг. Энэ харилцааг улам идэвхижүүлэх, Монгол судлал, тэр дундаа Алтай судлалд хамтран ажиллах бололцоотойг УИХ-ын дарга онцолжээ.

Ноён Эеро Хейнэлуома УИХ-ын дарга З.Энхболдыг тааламжтай цагтаа тус улсад айлчлахыг урьсан байна.

128 бөхийн сорьцыг Германд шинжлүүлнэ

Уржигдар 14 цаг 12 мин

Япон Улсын Цог Жавхлант Эзэн Хаан Нарүхито, Эрхэм дээд Хатан Масако нарын төрийн айлчлал өндөрлөлөө

Уржигдар 14 цаг 04 мин

Япон Улсын Эзэн Хаант ёсны тухай

Япон Улсын Эзэн Хаант

2025-07-11

Ж.Урангуа: Япон Монголын эрдэмтдийн хамтын ажиллагаа зөвхөн шинжлэх ухааны ололтоор зогсохгүй хоёр орны ойлголцол найрсаг харилцааны бат үндэс юм

Ж.Урангуа: Япон Монголын эрдэмтдийн хамтын ажиллагаа зөвхөн шинжлэх ухааны ололтоор зогсохгүй хоёр орны ойлголцол найрсаг харилцааны бат үндэс юм

2025-07-11