Шаардлага хангахгүй 21 орон сууцыг дахин төлөвлөнө

Нүүр

Геополитик

Шаардлага хангахгүй 21 орон сууцыг дахин төлөвлөнө

2014-08-04

Нийтэлсэн: Админ

1 мин

ХУВААЛЦАХ

ЖИРГЭХ

С.Уянга

Нийслэлийн Засаг даргын захирамжаар Ашиглалтын шаардлага хангахгүй болсон нийтийн зориулалттай 21 орон сууцны барилгыг дахин төлөвлөхөөр болжээ.
Мэргэжлийн Хяналтын Улсын ахлах байцаагчийн дүгнэлтээр ашиглалтын шаардлага хангахгүй, газар хөдлөлтөд тэсвэргүй нь тогтоогдсон Баянгол дүүргийн 20 дугаар хорооны нутаг дэвсгэрт байрлах 30 дугаар байр, Хан-Уул дүүргийн 2 дугаар хорооны нутаг дэвсгэрт байрлах Нэхмэлийн 1, 2, 3, 5, 6, 7, 10, 11, 12, 13, 16, 17, 18 дугаар байр, Хан-Уул дүүргийн гуравдугаар хорооны нутаг дэвсгэрт байрлах Нэхмэлийн 4, 8, 9, 15, 19 дүгээр байр, Арьс ширний 25, 26 дугаар байрны барилгуудыг дахин төлөвлөх юм.
Дээрх орон сууцны барилгад үйлдвэрлэл, үйлчилгээ эрхлэх зөвшөөрлийг төсөл хэрэгжих хугацаанд түдгэлзүүллээ.
Дахин төлөвлөн барилгажуулах ажлыг хувийн хэвшлийн хөрөнгө оруулалтаар төсөл сонгон шалгаруулах замаар хэрэгжүүлэх бөгөөд гурван талт гэрээ байгуулан ажлыг эхлүүлэх аж.