С.УЯНГА

Сүүлийн үед гадаад худалдаа эрхэлдэг аж ахуйн нэгж, иргэдийн зүгээс цахим шуудангаа хакердуулсан, мөнгөө луйвардуулсан гомдол ТЕГ-ын Кибер аюулгүй байдлын газарт их иржээ. Тиймээс гадаад худалдаа эрхэлдэг, гадны байгууллагуудтай цахим шуудангаар харилцан төлбөр мөнгөө шилжүүлдэг бол цахим шууданг илгээж буй мэйл хаягийг шалгах, үсэг тоо тэмдэгт бүрийг нарийн шалгах /жишээ нь: m үсгийг rn (r+n) гэж бичсэнийг ялгадаг байх/, Харилцаж буй байгууллагын домайн нэр мөн эсэхийг шалгах шаардлагатай юм байна. Мөн цахим шуудангаар ирсэн банкны нэр, дансны дугаар, байгууллагын нэр зэргийг нягтлах, факс, утсаар холбогдож тулгалт хийх, цахим шууданд хандаж буй ажилчдын бүртгэл хийх,цахим шуудангийн нууц үгийг стандартын дагуу хийх хэрэгтэй юм.  /хамгийн багадаа 8 тэмдэгт 0-9 хүртлэх тоо, a-z, A-Z үсэг, тусгай тэмдэгт: _-+=!@%*&”:./ зэргээс бүрдэнэ. Жишээ нь: 1R2rt@Aor#Bt

Мөн нууц үгийг тогтмол солидог байх, цахим шууданд сэжигтэй хандалт хийгдсэн болон ирсэн бол мэргэжлийн байгууллагад яаралтай хандахыг ТЕГ-аас анхааруулж байна. Энэ талаарх дэлгэрэнгүй мэдээллийг www.ncsc.gov.mn вэб сайтаас авч болох юм.