Б.Туул

Налгар намрын наймдугаар сард хүмүүсийн олонх нь амарч, аялал жуулчлалын замд гардаг. Тиймээс бид гадаад, дотоодын жуулчдад мэдээлэл хүргэх, мөн тэдний тав тухыг хангах зорилгоор нийслэл дэх зочид буудлуудын зэрэглэлийг сонирхож үзсэн юм.  Улаанбаатар хот дахь зочид буудлуудыг гадныхан тэгтлээ их гайхаж бишрээд, магтаад байдаггүй. Харин ч чанарын шаардлага хангадаггүй гэж шүүмжлэх нь элбэг байдаг. Тиймээс  албаны хүмүүсээс зарим зүйлийг асууж сонирхлоо.

Өнгөрсөн хавар аялал жуулчлалын үндэсний төвд зочид буудлын зэрэглэл тогтоолгохоор нийт 20 аж ахуй нэгж хүсэлтээ ирүүлжээ. Үүнээс “Дээд зэрэглэлийн зочид буудал, жуулчны баазад зэрэглэл тогтоох комисс” 16 зочид буудалд “Зочид буудлын үйлчилгээний чанарын зэрэглэл, үндсэн шаардлага” MNS 5927:2008 стандартын дагуу үнэлгээ хийж ажиллажээ. Тус комиссын шийдвэрээр 2014 оны тавдугаар сарын 9-ний өдөр дараах зочид буудлуудад одны зэрэглэлийг олгосон байна.

• “Кемпински хаан палас” зочид буудалд 5 од
• “Корпорейт” зочид буудалд 4 од
• “Парк” зочид буудалд 4 од
• “Нью вэст” зочид буудалд 3 од
• “Эрдэнэт инн” зочид буудалд 3 од
• “Нарны өргөө” зочид буудалд  3 од

     Дээрх зочид буудлууд 2014 оны 5-р сарын 27-нд Аялал жуулчлалын үндэсний төв, Монголын зочид буудлын холбооноос хамтран “Тэрэлж” зочид буудалд зохион байгуулсан “Зочид буудлын үйлчилгээний чанарын зэрэглэлийн асуудал” сэдэвт сургалтын үеэр зэрэглэлийн гэрчилгээ, тэмдэгээ гардан авчээ. Зочид буудлуудын зэрэглэлийг дараах хүснэгтээс харна уу?

Одны зэрэглэлийн статистик мэдээлэл (2014оны 5-р сарын байдлаар)