Б.Туул

Засгийн газрын харьяа “11-11” төвд хандсан иргэдийн санал хүсэлтийг түүвэрлэвэл багагүй хувийг газар өмчлөл, үнийн өсөлттэй холбоотой асуудал эзэлжээ. Иргэдийн олонх нь  “Нийслэлийн өмчийн харилцааны газраас газар өмчлөх ажлыг онлайнаар бүртгэж эхэлсэн боловч веб сайт нь алдаатай, бүртгүүлж болохгүй байна. Энэ асуудлыг анхнаас нь чанартай хийгээгүйгээс иргэдийг ихээр чирэгдүүлж байна” гэжээ. Мөн анхаарал татахуйц бас нэг асуудал хөндсөн нь онгоцны тийз 50 мянган төгрөгөөр нэмэгдсэн тухай юм. Энэ тухай  №1408017893 дугаартай зочин “Хөвсгөл-Улаанбаатар чиглэлийн онгоцны тийз 270,000-320,000 төгрөг болсон байна. Үнэ нь хэтэрхий өндөр байна. Үүнд анхаарч үнийг нь буулгах арга хэмжээ авч өгнө үү” гэжээ. Тиймээс бид  агаарын тээврийн “Хүннү Эйр” болон “Изнес Эйрвэйс” компаниас  Улаанбаатар-Мөрөн чиглэлийн нислэгийн үнийг асууж сонирхлоо.  “Хүннү Эйр” компанийн нислэг дундаж нь 138000-251000 төгрөг байна. Харин Изнес Эйрвэйс” компанийн Улаанбаатар-Мөрөн чиглэлийн нислэг нь дотроо зэрэглэлтэй бөгөөд эхний 15 том хүн 151.000, 16-40 дэх нь 185,800 төгрөгөөс эхэлнэ. Сүүлчийн 10 хүн нь 215.800 төгрөгөөс эхэлж байна.