Т.САЙХАН Ерөнхийлөгч асан Ц.Элбэгдорж цаг үеийн асуудлаар сэтгүүлчидтэй уулзаж ярилцлаа.  Тэрээр улс төрд өрнөж буй үйл явдлуудын талаар байр сууриа илэрхийллээ.  Түүний хэлсэн үгнээс  эшлэн хүргэж байна.

- Х.Баттулга бол хулгайчийн араншингаа гаргаж байна. Өөрийнхөө бүх хулгайг надад тохох гэж байна. Өөрөө хулгай хийчихээд хамтрагч татдаг аргатай хүн. Х.Баттулга өөрөө Эрдэнэтийн 49 хувь, Таван толгойн орд газрын хулгай, луйварт оролцсон хүн.

---

- Саяхан Улсын ерөнхий прокуроруудад хүлээлгэн өгсөн надтай холбоотой гэх 178 хуудас баримт бичгийг олон нийтэд ил болгох хэрэгтэй. Үүнийг ард түмэн ч мэдэх эрхтэй.

---

-Т.Ганболдын гэх Корпорейт зочид буудалд би хонож үзээгүй. Миний туслахууд Т.Ганболд гэдэг хүн уулзаж танд машин бэлэглэе гэж байна гэсэн. Тэр хөтөлбөр, бэлэгнүүдийг нь аваад ир. Төрийн ордны гадна тавьчих. Тэгээд төрийн мэдэлд өг гэж хэлсэн. Энэ үгийг сонсоод алга болсон хүн өөрөө байгаа юм.

---

- Монголын ардчилалыг булшилж байгаа хүн бол Х.Баттулга.

---

- Хэрэв намайг АТГ  дуудвал би яваад очно. Шалгуулахад би бэлэн байна.

---

-Ойрын зуун жилд монголд АСЕМ-ийг зохион байгуулах хүн байхгүй. Би нэг хүйтэн гараар АСЕМ-аас мөнгө завшаагүй. Намайг хэрэгт гүтгэх гээд АСЕМ-ийг шалгаад юу ч олоогүй болохоор одоо таван толгойн асуудлаар хэрэгт оруулах гэж үзэж байна.

---

-Намайг муу тарвага, тарваганы нүхэнд өссөн. Цаазын ялыг сөнөөсөн.  Хэдэн жилийн өмнөх бичлэгийг гаргаж ирээд ийм байсан юм байна гээд л хүмүүс янз бүрээр хэлж байна. Би монголын төрийг хариуцлагагүй болсон гэж харж байна.

---

-Б.Хурц хийж байгаа ажилдаа эзэн болдог хүн. Нүүрээ нуусан хүмүүсийн булхайг мэддэг. 

---

-Би хамгийн зохимжгүй тэмцэгч Л.Болд гэж боддог. Би бол цагийн салхи яаж ч эргэсэн өөрийнхөө үзэл бодол дээр тууштай зогсож чадна.

---

-Шанхайн хамтын ажиллагааны байгууллагын тухайд Монгол өөрийн гэсэн онцлогтой. ШХАБ-д бид ажиглагч гэдэг байр сууринаасаа цааш алхах ямар ч шаардлагагүй. Гар барина, бугуй барина. Тэгээд чамайг тэвэрнэ. Чи тэр тэврэлтээс хэзээ ч гарч чадахгүй. Монгол нэг орчихвол хэзээ ч гарч чадахгүй. Хавханд орсон чоно шиг болно. Нөгөө хоёр хөрш нь хоёр талд суусан анчин шиг байна. Хавханд орсон чоноо алдаг ч үгүй, хавхаа авдаг ч үгүй.  Х.Баттулга ШХАБ-ыг ломбард гэж хараад байгаа. 

Эх сурвалж:www.polit.mn