Т.САЙХАН УИХ-ын дарга Г.Занданшатар захирамж гарган, “Шинэ бүтээн байгуулалт” дунд хугацааны зорилтот хөтөлбөрийн хэрэгжилтийг дүгнэж,  үргэлжлүүлэхээр болжээ.  Энэ ажлыг эрчимжүүлэхээр Засгийн газарт чиглэл өгөх үүрэг бүхий ажлын хэсгийг байгуулсан байна.  "Шинэ бүтээн байгуулалт” дунд хугацааны зорилтот хөтөлбөрийн нэг автор нь одоогийн Ерөнхийлөгч Х.Баттулга билээ.  2010 оноос хэрэгжсэн хөтөлбөрийн хүрээнд Баянхонгор аймгийн нэгэн сумыг тохижуулж байсан.  Мөн хэд хэдэн аймаг сумдыг хатуу  хучилттай замаар холбох ажлыг эхлүүлсэн байдаг.  Тухайн үед Ерөнхийлөгч Х.Баттулга Зам,тээвэр барилга хот байгуулалтын сайдаар ажиллаж байсан билээ.   Саяхан болсон агаарын бохирдлын асуудлаарх Ерөнхийлөгч Х.Баттулга энэ  хөтөлбөрийг эрчимжүүлэх хүсэлтэй байгаагаа илэрхийлсэн байдаг.   Ийнхүү түүний хүсэлтийн  дагуу УИХ-ын дарга Г.Занданшатар анхны захирамжаараа “Шинэ бүтээн байгуулалт” дунд хугацааны зорилтот хөтөлбөрийг хэрэгжүүлэх ажлыг эрчимжүүлээд байна.  Ажлын хэсгийг УИХ-ын гишүүн С.Бямбацогт ахалж /тухайн үед мөн ахалж байсан/, бүрэлдэхүүнд Байгаль орчин, хүнс хөдөө аж ахуйн, Нийгмийн бодлого, боловсрол, соёл, шинжлэх ухааны, Төсвийн болон Эдийн засгийн байнгын хороодын дарга нар ажиллах юм. Түүнчлэн, Монгол Улсын Ерөнхийлөгчийн Байгаль орчин, хот хөдөөгийн хөгжлийн бодлого, агаарын бохирдлын асуудал хариуцсан зөвлөх ажлын хэсгийн бүрэлдэхүүнд багтжээ. Эх сурвалж:www.polit.mn