Б.Туул

Онцгой байдлын ерөнхий газар, төв, орон нутгийн Онцгой байдлын газар, хэлтсээс “Газрын тосны бүтээгдэхүүний агуулахад гамшгаас хамгаалах болон гал түймрийн улсын хяналтын чиглэлээр төлөвлөгөөт бус хяналт шалгалтыг долдугаар сарын 22-ноос наймдугаар  сарын 4-ныг хүртэл хийж байна. Уг шалгалтыг улсын хэмжээнд үйл ажиллагаа явуулж байгаа газрын тосны бүтээгдэхүүний агуулах, шингэрүүлсэн хий цэнэглэх станцуудын гамшгаас хамгаалах болон гал түймрийн улсын хяналтын хэрэгжилтэд хяналт шалгалт зохион байгуулж, болзошгүй гамшгийн эрсдэл, эмзэг байдлыг бууруулах зорилгоор явуулж байгаа аж.  Тус шалгалтад улсын хэмжээнд газрын тосны бүтээгдэхүүн борлуулдаг 120 гаруй агуулахаас идэвхитэй үйл ажиллагаа явуулдаг 60 гаруй агуулах, шингэрүүлсэн хий цэнэглэх таван станц хамрагдаж байгаа бөгөөд шалгалтын явцад агуулахын сав, тоног төхөөрөмжийн битүүмжлэл алдагдсан, аюулгүй ажиллагааны дүрэм журам зөрчигдсөн, гал унтраах тоног төхөөрөмж, багаж хэрэгсэл дутуу, гамшгаас хамгаалах төлөвлөгөө, гамшгийн эрсдэл, эмзэг байдлын үнэлгээ хийгдээгүй зэрэг нийтлэг зөрчлүүд илэрч байгаа аж.

 Шалгалтын  дүнг Монгол Улсын Шадар сайд, Уул уурхайн сайдад танилцуулан хяналт шалгалтанд хамрагдсан аж ахуйн нэгжүүдийн удирдлагуудтай хэлэлцсэний дараа олон нийтэд мэдээлэх юм байна.