С.САРУУЛ Төрийн албаны хууль шинэчлэхтэй зэрэгцэн зөвлөлийн дарга, гишүүдийг өөрчиллөө. Ингэснээр өмнө нь ТАЗ-ийн даргаар ажиллаж байсан Б.Цогоог чөлөөлж түүний оронд Б.Баатарзоригийн сонгосон юм. Учир нь шинэ хуулиар Төрийн албаны зөвлөл долоон гишүүнтэй байсныг тав болгож, даргыг нь Ерөнхийлөгчийн Тамгын газраас санал болгож томилдог байсныг болиулж, зөвлөлийн гишүүд дотроо хуралдан, нууц санал  хураалтаар томилдог болж байгаа юм.  Ийнхүү хуулийн өөрчлөлтийн дагуу томилгоо явагдаж, ТАЗ-ийн даргаар Б.Баатарзоригийг сонгож, орон тооны гишүүнээр Б.Идэрчулуун, Д.Зүмбэрэллхам, Д.Баатарсайхан нарыг томилоод байна. Тэгвэл ТАЗ-ийг удирдах Б.Баатарзориг болон өмнөх дарга Б.Цогоо нарын ажил, мэргэжил, туршлагыг танилцуулж байна. CV-нээс тэдний ялгааг олоорой. Б.Цогоо: -1956 онд Ховд аймгийн Мөст суманд төрсөн. Мэргэжил: Инженер-эдийн засагч -1981-1995 онд Шинжлэх ухаан, техникийн улсын хороонд мэргэжилтэн, референт, секторын  эрхлэгч, орлогч захирал, -1995-2004 онд ОХУ-ын Москва хот дахь Шинжлэх ухаан техникийн олон улсын төвд Монгол Улсын төлөөлөгч -2004 онд Зам тээвэр, аялал жуулчлалын яамны Газрын дарга - 2004-2005 онд МИАТ ХК-ийн гүйцэтгэх захирал - 2005-2009 онд “Крафт интернэйшнл” ХХК-ийн захирал - 2009 оноос өнөөг хүртэл МУ-ын Ерөнхийлөгчийн Тамгын газар, Шинжлэх ухааны академийн харъяа Үндэсний хөгжлийн хүрээлэнгийн захирал -2013-2019 он ТАЗ-ийн дарга Б.Баатарзориг -Мэргэжил: Багш, Эрхзүйч -Эрдмийн зэрэг цол: Боловсролын болон Хуульзүйн магистр Дорнод аймгийн Хан-Уул цогцолбор сургуулийн багш, дэд захирал

• Дорнод аймгийн Боловсролын газрын дарга
• Шинжлэх Ухаан, Боловсролын яамны Ерөнхий боловсролын газрын дарга
• Гэгээрлийн яамны Төрийн захиргаа, удирдлагын газрын дарга
• Монгол Улсын Их Хурлын гишүүн
• Нийслэлийн Засаг даргын орлогч
• Нийслэлийн Засаг даргын Нэгдүгээр орлогч
• Монгол Улсын Төрийн албаны зөвлөлийн орон тооны гишүүн

Эх сурвалж: www.polit.mn