Э.Орхон

-Багшлах эрх олгох шалгалт авч байхаар болжээ. Энэ талаар Багшийн мэргэжил дээшлүүлэх институтын Цахим сургалтын албаын дарга П.Зохихсүрэнгээс тодрууллаа.

-Багшлах эрхийн шалгалт авч байхаар болсон гэсэн энэ талаар тодруулахгүй юу?

-Өмнө нь нэг жил багшаар ажилласан бол багшлах эрх олгодог байсан. Харин энэ жилээс эхлэн багшлах эрх олгох шалгалт авч байхаар болсон. Шалгалтад сургуулийн өмнөх боловсролын болон ерөнхий боловсролын сургуульд шинээр ажилд орох хүсэлтэй багш мэргэжлээр их, дээд сургууль төгссөн баклавраас дээш боловсролын зэрэгтэй хүмүүс хамрагдах боломжтой. Мөн өмнө нь багшаар төгссөн боловч ажиллаж байгаагүй, багшлах эрхгүй хүмүүс хамрагдана гэж ойлгож болно.

-Багшлах эрх олгох шалгалт өгөхийг хүсвэл хаана хандах вэ. Хэчнээн хүн багшлах эрх авах вэ?

-Багшлах эрх авахад тооны хязгаар байхгүй. Хамгийн гол нь тавигдах шаардлага хангасан байх ёстой. Шалгалт өгөхийг хүссэн хүмүүс эхний ээлжинд бүртгүүлэх ёстой. Бүртгэл онлайнаар наймдугаар сарын 1-н хүртэл үргэлжилнэ. Харин шалгалт наймдугаар сарын 10-нд 21 аймаг, есөн дүүрэгт нэгэн зэрэг эхэлнэ. Шалгуулагчид нь тусгайлан зассан байранд онлайн хэлбэрээр шалгалтаа өгнө.

-Өмнө нь багшилж байгаад завсардсан хүмүүс энэ шалгалтад хамрагдах уу. Эсвэл зөвхөн сургуулиа төгссөн багшилж байгаагүй хүмүүс хамтрагдах уу?

-Багшлах эрхээ өмнө нь авч байсан ч гурваас дээш ажиллаагүй бол багшлах эрх нь автоматаар цуцлагддаг. Тиймээс багшлах эрх нь цуцлагдсан хүмүүс энэ шалгалтад хамрагдаж болно.