Аргын тооллын 4 сарын 27, Буд гараг. Билгийн тооллын 20, Гар одтой, шарагчин туулай өдөр. Өдрийн наран 5 цаг 47 минутад мандан, 19 цаг 59 минутад жаргана. Тухайн өдөр хонь, гахай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, гарагийг тахих, мал аж ахуйн үйл, удирдлагын суудалд суух, огторгуйн үүдийг боох, их хүмүүнтэй уулзахад сайн. Газар хагалах, ус булгийн эх малтах, улаа гаргах, хиншүү хярвас гаргах, балгадын суурь тавих, нохой худалдан авахад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулахад тохиромжгүй.

Хонь

 Ажлаа урьдчилан төлөвлө, ажил уулзалтаа зохицуул. Ажлын хажуугаар өвчтэй хүүхэд, итгэл алдсан асрагчийн асуудал шийдэх хэрэг гарах бололтой. Найдвартай найзаасаа тусламж гуй, дараа нь хариу бариарай. Мөнгөний асуудлаас болж давхар ажил хийнэ. Гэхдээ бие, сэтгэлийн тэнхээгээ барагдтал шаргуу ажиллах хэрэггүй. Эрүүл мэндийг хамгийн түрүүнд тавь.

Үхэр

Бусдад нууцаа итгэж ярьсны хэрэггүй. Мөнгө хуримтлуулахын урьд эхэлсэн ажлаа үргэлжлүүлэхээр зорилгодоо хүрэхэд таатай өдөр. Өнөөдөр танаас чухал шийдвэр гаргахыг шаардана. Ашигтай ажлын санал хүлээн авах бололтой. Дотны хүн тань ажил хэргийн үнэтэй зөвлөгөө өгнө. Мөн өнөөг хүртэл найдвартай мэт санагдаж байсан хүндээ ихээр урам хугарна. Сэтгэл санаа хэт мэдрэмтгий байх нь жижиг сажиг зүйлд ч уурлаж уцаарлах шалтгаан болно.

Ихэр

Хүмүүст бурууг тохож, тэднийг хянахыг хүсэх бөгөөд таны атаач зан хөдлөх бололтой. Бусад хүмүүс заавал таньтай адилхан байх ёсгүй гэдгийг сана. Үргэлж ялахын оронд асуудлыг зөв зүйтэй шийдвэрлэх аргыг ол. Болгоомжтой байхгүй бол хэт их зарлага гаргах магадлалтай. Өөрөөр хэлбэл та ямар ч ашиггүй зүйлд мөнгөө цацна гэсэн үг. Төлбөр тооцоогоо төлж, мөнгөө хямгад.

Мэлхий

Төлөвлөгөө тань бүтэлгүйтсэн ч асуудлыг тайван хүлээж ав. Таны цалин нэмэгдсэнээр үндсэн орлого нэмэгдэнэ. Байрныхаа төлбөрийг төл. Тушаал дэвших хэдий ч цалин нь тийм ч өндөр биш. Бусад хүмүүсийн юу хэлэхийг сонсох хэрэггүй. Өнгөрсөн цаг үеэ дурсах нь таньд таатай мэдрэмж төрүүлэх болно. Хайрттайгаа хамт хоол идэж, өөрийн санхүүгийн асуудлаа зохицуул.

Арслан

Та өнөөдөр ганцаараа чимээгүй орчинд байхыг эрхэмлээрэй. Залбирал үйлдэж, бясалгал хийвэл үр дүнд хүрнэ. ажлаа хийнгээ хөгжим сонс. Зам түгжрэлтэй үед жолоо бүү бариарай. Танд хүмүүс амархан нөлөөлж чаддаг учраас сөрөг энергитэй хүмүүсээс зайгаа барь. Хайртай хүмүүстэйгээ муудалцсан бол эвлэрч, цагийг  хөгжилтэй өнгөрөөхөд тохиромжтой өдөр байна. Үзэл санааны зөрчилдөөн гарвал та хүлээц, тэвчээр гаргаж, энэрэнгүй сэтгэл бэлэглээрэй.

Охин

Өнөөдөр таны хийсэн аливаа үйлдэл бусдад хэлсэн үгнээс тань илүү хүчтэй нөлөө үзүүлэх болно. Шинээр ажилд орсон бол компанийнхаа үйл ажиллагаа, бодлоготой танилцаж, дарга хамт олныхоо талаар илүү ихийг мэдэхийг хичээ. Ажлын хамт олны зүгээс танд ихээхэн туслах бөгөөд танд итгэл хүлээлгэх болно. Таны мэдрэмж хүчтэй байгаа тул шинэ санаачлага гаргахыг хичээ. энэ нь хамт олны тань дунд таны нэр хүндийг өсгөх болно.

Жинлүүр

Хамгийн эхний хий зүйл тань цагийн хуваариа шалгах. Амлалтандаа хүрч, байнга гаргадаг дутагдлаа засч, хэрэгжүүл. Та маш их ажилласан ч, тусламж хэрэг болно. Хамт олондоо ажил нь тулсан үед боломжоороо туслаарай. Ямар нэгэн өндөр цалинтай ажил эхлүүл. Ирээдүйд тань тустай. Амжилтанд хүрэх албан тушаалаа чимээгүй орчинд тунгаан бод. Жинлүүрийн ордныхон эрүүл мэнддээ анхаарч хоолоо бэлтгэж авч явах хэрэгтэй.

Хилэнц

Өглөө ажил дээр хэт их ачаалал үүснэ. Удирдлага тань өвчтэй, чөлөөтэй хүмүүсийг орлуулах хүнээ олтол танд бүх ачааг үүрүүлэх бололтой. Чадах чинээгээрээ хурдан, хичээж ажиллаарай. Хичээл зүтгэлийг тань дээд удирдлага анзаарч, анхааралдаа авч л таараа. Магадгүй, хааяа нэг ажилчидтайгаа ам муруйх хэрэг гарч магадгүй. Гэхдээ таньд гэж зөвлөхөд энэ тал дээр хэтрүүлэх хэрэггүй.

Нум

Асуудалд нэг чигийг барин өрөөсгөл хандаж, өөрийнхөөрөө зүтгэх, хэт дэврүүн, сэтгэлийн хөдлөлөөр аливаад хандах зэрэг нь хайр сэтгэлийн харилцаанд сөргөөр нөлөөлж, дотны хүнтэйгээ зөрчилдөхөд хүргэж болзошгүй. Магадгүй таны материаллаг байдалд сонирхолтой, баяжих хүсэл тэмүүлэл нь нөхцөл байдлыг бодитоор хүлээж авах сэтгэлийн нүдийг тань сохолсон байх. Буулт хийх арга замыг хай.

Матар

Сар таны эсрэг орд болох мэлхийн ордонд байрлахад түншүүд, хувийн болн ажил мэргэжлийн хамтрагчид бүгд анхаарлын чинь төвд байна. Энэ нь таныг өөрийгөө бусад хүмүүстэй хэрхэн харилцдагаа дүгнэж үзэхэд тохиромжтой үе. Олон нийтийн хамааралтай ажилд болгоомжтой хандаж шийдэмгий хөдлө. Өөрийнхөө хандлагыг өөрчил.хуучин түншдээ бүү гомдоллоорой. Түүнд зориулж гүн сэтгэгдэл үлдээхүйц аргыг хэрэглэ.

Хумх

Лхагва гараг. Өнөөдөр таны зөн совин, дотоод мэдрэмж хурц байна. Сэтгэл хөдлөл, мэдрэмж таны эрүүл мэндэд нөлөөлөх бололтой. Байгалийн гаралтай эмчилгээг сонгох байх. Таны хамтран ажиллагч, мэргэжил нэгтэн эвгүй хандах үед ч өөрийнхөөрөө бай. Бизнесийн харилцаанд хувийн ашиг сонирхол их байвал ажлаа хийж гүйцэтгэхэд хэцүү байж магад.

Загас

Өнөөдөр болгоомжтой, хянуур байх хэрэгтэй. Таамаглаж байгаагүй үйл ажиллагаанууд, үнэтэй тусна. Ялангуяа өглөө нэгээс нөгөө уулзалт руу гүйх учир зарим Загасны хувьд их завгүй, стресстэй өдөр байх болно. Гэсэн ч үр дүнд нь та хэдийд л бол хэдийд чухал үүрэг хариуцлагын асуудлаа шийдэж чадах эрч хүчтэй болж төвөгтэй санал, асуудлуудыг гүйцэтгэж чадах болно. Хамтрагчтай Загаснууд хэн нэгэнтэй сээтэгнэхээсээ болгоомжил.

Эх сурвалж:www.zms.mn

Дэлгэрэнгүй мэдээллийг” UB лавлах 1617”-оос авна уу.