Ц.БАЯР

ОХУ-ын Засгийн газрын дэргэдэх Эдийн Засгийн сургууль болон  судалгаа шинжилгээний хүрээлэнд ирэх хичээлийн жилд оюутан залуусыг тэтгэлэгтэй суралцуулах талаар тус сургуулийн Гадаад харилцаа олон улсын хамтын ажиллагаа хариуцсан захирал Ч.Я.Татьяна  өнөөдөр /04.25 /Үндэсний мэдээллийн төвд мэдээлэл хийлээ. Энэхүү сургууль ОХУ-ын төрийн өмчит, судалгаа шинжилгээг дагнасан, онцгой статустай 40 сургуулийн нэг нь юм байна. Дан ганц эдийн засаг биш улстөр, нийгэм, хими, биологи, анагаах ухаан болон бизнес улстөрийн удирдлага, комьпютер мэдээлэл технологи, шинжлэх  ухаан зэрэг мэргэжлүүдээр мэргэжил олгож мэргэшүүлдэг. Гадаад оюутан элсүүлэх чиглэлийг  үйл ажиллагааныхаа үндсэн зорилго болгосоор ирсэн юм байна. Одоо тус сургуульд 26 мянган оюутан суралцаж байна. Түүний 500 мянга нь гадаад оюутнууд ажээ. Ч.Я.Татьяна мэдээлэлд ээ  “ Манай сургуульд суралцах хүсэлтэй хэнд ч 100 хувь тэтгэлэгээр суралцах  боломж нээлттэй . Насны хязгааргүй.  Элсэхийг хүсэгчид Монгол дахь  РЦИНКА / Оросын Шинжлэх Ухаан Соёлын Төв/ болон манай сургуулийн www.hse.ru /sng/ kvota гэсэн хаягаар орж  дэлгэргүй мэдээлэл авч захидал бичиж болно. Таны бичсэн захидлын дагуу манай багш нар танд тохируулсан ангийг бий болгож суралцах боломжыг нээж өгнө. Мөн манай дотуур байр тохилог” гэж онцолсон.  Түүнчлэн орос, англи хэлний нэг жилийн курст суралцаж хэлний бэлтгэлээ сайжруулж цааш суралцах давуу талтай . Мөн тус сургуульд суралцхад хоёр улсын Засгийн газар, Боловсролын яам болон элчин сайдын яамаар дамжих шаардлаггүй. Зөвхөн сургуультай бие даан холбоо тогтоох боломжтой. 5 дугаарын сарын 30 хүртэл цахим хаягаар болон  Монгол дахь  РЦИНКА / Оросын Шинжлэх Ухаан Соёлын Төв/  –д  бүртгэл явагдах юм байна. Элсэгчид олимпиад болон, ярилцлага зэрэг сонгон шалгаруулалтад  оролцож тэтгэлэгт хамрагдах юм байна. Мөн РЦИНКА/ Оросын Шинжлэх Ухаан Соёлын Төв/ -д уг сургуулиас ирсэн төлөөлөгчтэй биечлэн уулзах зөвлөгөө авах боломжтой гэлээ.  

Эх сурвалж:www.polit.mn