Ц.БАЯР

Цэцийн шийдвэрээс болж хувь тэнцүүлсэн тогтолцоотой холбоотой зохион байгууллатын бүх ажил зогссон байна.  Тухайлбал хувь тэнцүүлсэн тогтолцоогоор гадаад улсад байгаа сонгогчийн санал авах зохион байгуулалтын ажлуудыг өнөөдрөөс түр зогсоогоод байгаа ажээ. Өөрөөр хэлбэл  Гадаадад байгаа сонгогчдын саналыг авах төв комисс, дипломат төлөөлөгчдийн газар байрлаж байгаа салбар комиссын үйл ажиллагааг УИХ-аас шийдвэр гарах хүртэл хугацаанд зогсоохоо мэдэгдээд байна. Сонгуулийн тухай хуульд зааснаар энэ долоо хоногт нам, эвсэлүүд сонгуульд оролцох хүсэлтээ Сонгуулийн Ерөнхий Хороонд ирүүлэх ёстой. Ирэх долоо хоногоос нэр дэвшүүлэх ажил эхэлнэ. Нам, эвсэл нэр дэвшүүлэхээс өмнө цэцийн шийдвэрийг УИХ хэлэлцэж нэг тийш нь болгох хэрэгтэй. Хэрэв УИХ даруйхан шийдэхгүй бол тодорхойгүй байдал үүсч нэр дэвшүүлэх ажиллагаа хуулийн хугацаанд явагдаж чадахгүйд хүрэхээр байгаа тухай Сонгуулийн Ерөнхий хорооноос мэдээлж байна. Тиймээс УИХ цэцийн шийдвэрийг  яаралтай авч хэлэлцэх хэрэгтэй гэнэ.  Энэ долоо хоногтоо багтаагаад УИХ шийдвэрээ гаргавал сонгуулийн зохион байгуулалтад цаашдаа нэг их хүндрэл гарахгүй юм байна.

Эх сурвалж:www.polit.mn