Ц.БАЯР

Энэ жил Туул голын урсгал тасарсан мэдээ гарч байсан. Тэгсэн шалтгаан нь тодорхой болжээ. АСЕМ-д зориулж Богд уулын ар энгэрт “АСЕМ Вилла” хэмээх хотхон барьж энэхүү хотхоны дулааны шугам сүлжээг татах ажилд зориулан Туул голын урсгалыг нь өөр тийш сарниулж, буцааж урсгасан байна. Мөн нэг салаанаас нь шинээр барьсан хотхоныхоо урд цөөрөм байгуулахаар ус татжээ. Өөрөөр хэлбэл  "Асем Вилла” хотхон буюу Sky resort -ын харалдаах хэсгээс доош Туул гол огт урсгалгүй болсон бөгөөд хайрга чулуу хог шороо л үлдсэн байна. Хуучин гол урсаж байсан хэсэгт машин зам хүртэл гаргаад чөлөөтэй зорчицгоож байсан. Тэгвэл энэ асуудал нь АСЕМ-ын зочид ирсэнтэй холбоотой бөгөөд "Асем Вилла” хотхоны дулааны шугам сүлжээг татахтай холбоотой байсан талаар Дархан Монгол ногоон нэгдэл /ДМ нэгдэл/-ээс мэдээлж байна.

Эх сурвалж:www.zms.mn